Frauke Petry

Us der alemannische Wikipedia, der freie Dialäkt-Enzyklopedy
Hops zue: Navigation, Suech
d Frauke Petry (2016)

D Frauke Petry (geb. Marquardt; * 1. Juni 1975 z Dresden) isch e dytschi Bolitikeri (AfD), Chemikeri un Unternämmeri. Vu 2013 bis 2015 isch si aini vu drei Barteisprächer vu dr AfD gsii. Syter anne 2013 isch si Vorsitzeri vu dr AfD Sachse. Bi dr Landtagswahl z Sachse 2014 isch d Petry as Spitzekandidati vu ihre Bartei in Landdag gwehlt wore. Syt Juli 2015 isch si Barteivorsitzeri vu dr AfD. Bi dr Bundesdagswahl 2017 het si ne Diräktmandat gwunne. D Petry giltet as Verdrätteri vum nationalkonservative Fligel vu dr Bartei.

Läbe[ändere | Quälltäxt bearbeite]

D Petry isch d Dochter vun eme Ingenieur un ere Chemikeri un isch bis 1989 z Schwarzheide in dr brandeburgische Niderlausitz ufgwachse.

Anne 1995 het si am Städtische Gymnasium z Bergkamen s Abitur gmacht un derno vu 1995 bis 1998 Chemy an dr University of Reading (Bachelor of Science) un vu 1998 bis 2000 an dr Georg-August-Universität Göttingen (Diplom) studiert. Im Johr 2004 isch d Petry am Göttinger Inschtitut fir Pharmakology un Toxikology mit dr Dissertation Charakterisierung eines neuen ATP-binding-cassette-Transporters aus der ABCA-Subfamilie promoviert wore. Derno het si as wisseschaftlig Mitarbaiteri am Inschtitut fir Pharmakology un Toxikology un as Post-Doktorand am Inschtitut fir Humangenetik gschafft.

Im Merz 2007 het si s Unternäme PURinvent GmbH z Leipzig-Plagwitz grindet, wu ne neie Polyurethan-Chunschtstoff (HydroPUR) as Raifedichtmittel härstellt. Ändi 2013 het s Unternämme mieße ne Aadrag uf Insolvänz stelle, d Firma isch derno 2014 vun eme siddytsche Konsortium ufgchaft wore un in PURinvent System GmbH umgnännt wore. D Petry isch Gschäftsfiereri blibe.

D Frauke Petry isch bis Mitti 2015 ghyrote gsii mit em Sven Petry, eme evangelisch-lutherische Bfaarer. Si hän zämme vier Chinder un läben im Bfaarhuus vu Tautenhain, eme Ortsdail vu dr sächische Chlaistadt Frohburg. Aafangs Oktober 2015 het d Petry bekannt gee, ass si sich vu ihrem Mann drännt het un ass si ne Beziehig mit em nordrhy-weschtfälische AfD-Landesvorsitzer Marcus Pretzell het.[1] S Baar het im Dezämber 2016 ghyrote un syt Mai 2017 e gmainsame Suhn.

Bolitischi Karriere[ändere | Quälltäxt bearbeite]

D Petry isch 2013 im Verein zur Unterstützung der Wahlalternative 2013 gsii. Syt dr Grindig vu dr Alternative für Deutschland im Februar 2013 isch si stellverdrättendi Sprächeri vu dr Bartei gsii. Bim erschte AfD-Barteitag am 14. April 2013 isch si as aini vu drei Sprächer in dr Bundesvorstand gwehlt wore. Noch eme monetelange innerbardeilige Machtkampf mit em Bernd Lucke isch d Petry im Juli 2015 zue dr erschte Barteisprächeri gwehlt wore, dr Jörg Meuthen zum zweete. Im April 2017 het siu churz vor em Bundesbarteidag z Köln verchindet, ass si uf d Spitzekandidatur bi dr Bundesdagswahl verzichtet.[2] Bi dr Bundesdagswahl 2017 het si im Wahlchrais Sächsische Schweiz – Osterzgebirge ne Diräktmandat gwunne. Ai Dag no dr Wahl het si mitdailt, ass si dr AfD-Bundedagsfraktion nit wett aaghere.[3] Einen Tag später teilte sie mit, der AfD-Bundestagsfraktion nicht angehören zu wollen.[4] Am 26. Septämber 2017 het si ihre Uusdritt us dr AfD aagchindet.[5]

Publikatione[ändere | Quälltäxt bearbeite]

  • Paultheo von Zezschwitz, Frauke Petry, Armin de Meijere: A One-Pot Sequence of Stille and Heck Couplings: Synthesis of Various 1,3,5-Hexatrienes and Their Subsequent 6π-Electrocyclizations. In: Chemistry – A European Journal, 2001, Vol. 7, Nr. 18, S. 4035–4046, doi:10.1002/1521-3765(20010917)7:18<4035::AID-CHEM4035>3.0.CO;2-P, PMID 11596946.
  • Frauke Petry, André Kotthaus, Karen I. Hirsch-Ernst: Cloning of human and rat ABCA5/Abca5 and detection of a human splice variant. In: Biochemical and Biophysical Research Communications, 2003, Vol. 300, Nr. 2, S. 343–350. doi:10.1016/s0006-291x(02)02827-9
  • Frauke Petry, Vera Ritz, Cornelia Meineke, Peter Middel, Thomas Kietzmann, Christoph Schmitz-Salue, Karen I. Hirsch-Ernst: Subcellular localization of rat Abca5, a rat ATP-binding-cassette transporter expressed in Leydig cells, and characterization of its splice variant apparently encoding a half-transporter. In: Biochemical Journal, 2006 Vol. 393, Nr. 1, S. 79–87. doi:10.1042/BJ20050808
  • Ines Ecke, Frauke Petry, Albert Rosenberger, Svantje Tauber, Sven Mönkemeyer, Ina Hess, Christian Dullin, Sarah Kimmina, Judith Pirngruber, Steven A. Johnsen, Anja Uhmann, Frauke Nitzki, Leszek Wojnowski, Walter Schulz-Schaeffer, Olaf Witt et al.: Antitumor effects of a combined 5-aza-2'deoxycytidine and valproic acid treatment on rhabdomyosarcoma and medulloblastoma in Ptch mutant mice. In: Cancer Research, 2009, Vol. 69, Nr. 3, S. 887–895, doi:10.1158/0008-5472.CAN-08-0946, PMID 19155313.

Weblink[ändere | Quälltäxt bearbeite]

 Commons: Frauke Petry – Sammlig vo Multimediadateie

Fueßnote[ändere | Quälltäxt bearbeite]

  1. Die Welt: Gefühle für Parteifreund – Petry trennt sich von Mann. 2015-10-08. Abgrüeft am 2015-10-09.
  2. dpa: Frauke Petry verzichtet auf AfD-Spitzenkandidatur. In: FAZ.net. 2017-04-19. Abgrüeft am 2017-04-19.
  3. spiegel.de: Petry sorgt für Eklat, 25. Septämber 2017
  4. spiegel.de: Petry sorgt für Eklat, 25. September 2017
  5. welt.de: Frauke Petry kündigt Austritt aus der AfD an, 26. Septämber 2017