Provinz Como
D Provinz Como isch en Provinz i dr iteliänische Regioon Lombardei.
D Provinz chunt im Nordweschte ad Schwiizer Kantööon Tessin und Graubünde aa.
Geografii
[ändere | Quälltäxt bearbeite]D Provinz Como chan in acht grossi Landschafte ydeilt wärde. Das sind s weschtleche Alto Lario, di süüdleche Lepontiner Alpe, s Lario Intelvese, d Exklave Campione d'Italia, wo vo Tessiner Gmeinde umggää isch, s Lario-Drüegg, Como und Umgäbig, s undere Komaskerbiet und d Brianza Comasca.
D Landschaft vo dr Provinz, wo am Südrand vo de Alpe liit, isch prägt vo Bärgzüüg und vo Gwässer. Dr wichtigscht Fluss, wo i dr Provinz entspringt, isch de Lambro. Die andere grössere Flüss sind de Seveso, d Mera und d Lura. Alli Gwässer vo dere Landschaft laufe schliessli zum Po abe.
Wie d Alpenordsyte het Oberitalie sid dr Yschzyt es baar grossi Alperandseeè. Dr Comersee, wo uf Iteliänisch Lario heisst, und dr Luganersee, wo au dr Name Ceresio het, dominieret de Norddeil vo de Provinz. Am Comersee liget 31 Gmeinde vo dr Provinz Como. I dere Provinz git no sächs wyteri, chlyni Seeè: dr See vo Pusiano, dr See vo Alserio, dr See vo Montorfano, dr Segrinosee, dr Mezzolasee und dr Pianosee.
Dr högscht Bärg vo de Provinz Como isch dr Pizzo Paglia, wo uf dr Gränze zwüsche Italie und dr Schwiiz öschtlech vo de Bündner Region Moesa i dr Gmeind Grono lyt. Är het d Höchi vo 2593 Meter über Meer.
Gröschti Gmeinde vo dr Provinz Como
[ändere | Quälltäxt bearbeite]Spraach
[ändere | Quälltäxt bearbeite]I de Gebiet vo dr Provinz Como rede die yhäimische Lüüt verschideni Tieläkt vom Lombardische.
Vercheer
[ändere | Quälltäxt bearbeite]Bi Como isch dr Gränzübergang vo grosse Vercheersachse, wo us em Ruum vo Mailand zum Gottert laufe, us Italie i d Schwiiz übere.