Umbrie

Us der alemannische Wikipedia, der freie Dialäkt-Enzyklopedy
Umbrie
Wappe vo der Region Umbrie Flagge vo der Region Umbrie
Basisdate
Hauptstadt: Perugia
Provinze: 2
Flechi: 8.456,04 km² (16.)
Iiwohner: 908.926 (31. Dezämber 2011)
Bevölkerigsdichti: 107 Iiwohner/km²
Website: www.regione.umbria.it
ISO 3166-2: IT-55
Presidänt: Catiuscia Marini (PD)
Charte
Charte vo Italien, Umbrie useghobe

Umbrie (italiänisch: Umbria) isch e Regioon vo Italie mit 908'926 Iiwooner (Stand 31. Dezämber 2011). Si lit zwüsche dr Toskana, Latium und de Marke. Es isch die äinzigi Regioon vo Italie, wo weder e Meeresküste non e Gränze zum Usland het. Dr trasimenischi See lit in Umbrie. D Hauptstadt isch Perugia. D Regioon bestoot us de bäide Brovinze Perugia und Terni.

D Landschaft[ändere | Quälltäxt bearbeite]

Umbrie isch brägt vo Bärg mit Wäidwirtschaft und Ackerbau, Beckilandschafte und Dääler mit intensiver Landwirtschaft und de lange Gebirgszüüg vom Umbrische Apennin im Oste. Dr höggst Bärg isch dr Monte Vettore 2.478 m s.l.m.. Umbrie het meereri Flusssüsteem: dr Oberlauf vom Tiber, dr Topino, wo au us em Apennin chunnt und sich mit em Chiascio veräinigt und em Nera, wo dur s Valnerinadaal mit sinere hügelige, moolerische Landschaft fliesst. Nordwestlig vo dr Hauptstadt Perugia, in dr Nööchi vo dr toskanische Gränze, lit dr Trasimenischi See. Er isch e beliebts Usflugsziil. Die durchschnittligi Hööchi vo Umbrie lit bi über duusig Meter über em Meeresspiegel.

Gschicht[ändere | Quälltäxt bearbeite]

Umbrie isch ursprünglig s Siidligsgebiet vo de Umbrer gsi, zwüsche Etrurie und dr Küste vo dr Adria. D Umbrer si e Stamm vo de Italiker gsi, wo gegen 1200 v. d. Z. iigwanderet si, und vo öbbe 1000 v. d. Z. under em Iifluss vo de Etrusker gstande si. Perugia (denn Perusia) isch um 400 Mitgliid vom etruskische Zwölfstedtbund gsi. Stedt vo de Umbrer si Ameria (Amelia), Ariminum (Rimini), Tifernum Tiberinum (Città di Castello), Asisium (Assisi), Iguvium (Gubbio, Fundort von ere umbrische Schriftdaafele), Interamna (Terni), Perusia (Perugia), Spoletium (Spoleto) gsi.

D Wirtschaft[ändere | Quälltäxt bearbeite]

Im Joor 2006 isch s regionaale Bruttoinlandsprodukt bro Iiwooner, usdruckt in Chaufchraftstandard, bi 96,6 % vom Durchschnitt vo dr EU-27 gsi.[1]

Litratuur[ändere | Quälltäxt bearbeite]

  • Baedeker Umbrien

Weblingg[ändere | Quälltäxt bearbeite]

 Commons: Umbrie – Sammlig vo Multimediadateie

Fuessnoote[ändere | Quälltäxt bearbeite]

  1. Eurostat Pressemitteilung 23/2009: Regionales BIP je Einwohner in der EU27 (Site cha nüme abgrüeft wärde; Suche im Webarchiv)[1] [2] Vorlage:Toter Link/epp.eurostat.ec.europa.eu (PDF-Datei; 360 kB)


Koordinate: 42° 59′ N, 12° 34′ O

Dä Artikel basiert uff ere fräie Übersetzig vum Artikel „Umbrien“ vu de dütsche Wikipedia. E Liste vu de Autore un Versione isch do z finde.