Abruzze

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Abruzzen
Wappe vo der Region Abruzzen Flagge vo der Region Abruzzen
Basisdate
Hauptstadt: L'Aquila
Provinze: 4
Flechi: 10.795,12 km² (13.)
Iiwohner: 1.326.513 (31. Dez. 2015)
Bevölkerigsdichti: 123 Iiwohner/km²
Website: www.regione.abruzzo.it
ISO 3166-2: IT-65
Presidänt: Luciano D'Alfonso (PD)
Charte
Charte vo Italien, Abruzzen useghobe

D Abruzze (italiänisch Abruzzo) sind e Region vo Italie.

Geografischi Laag[ändere | Quälltäxt bearbeite]

D Abruzze ligged zwüsched de Bärge vom Apennin und em Adriatische Meer. De Gran Sasso d'Italia isch mit fast 3000 Meter de höchsti Punkt vo Italie südlich vo de Alpe. I de Abruzze git's drü Landschaftstype: Bärge, Hügelland und Küste. Rund e Drittel vo dere Region staht under Naturschutz.

D Abruzze zelled geografisch zu Mittelitalie, sind historisch aber immer die nördlichsti Region vo Süditalie gsi. D Region wird im Norde vo de Marke, im Weste vom Latium, im Süde vom Molise und im Oste vo de Adria begränzt. D Hauptstadt vo de Region isch L'Aquila. Det het 2009 es starchs Ärdbebe groossi Schäde aagrichtet.

Gschicht[ändere | Quälltäxt bearbeite]

Im Altertum het die italischi Bevölkerig vo de Abruzze zu de Samnite und Picener ghört, wo i jahrzähntelangem Ringe von de Römer underworfe worde sind.

Nach em Undergang vom weströmische Riich isch de Teil vo de Küstelandschaft bis is Mittelalter ine byzantinisch blibe. S übrige Gebiet vo de Abruzze isch e Teil vom langobardische Herzogtum Spoleto worde. D Langobarde und Byzantiner sind dur Normanne vertribe worde, wo s Gebiet vo de hütige Abruzze im 12. Jahrhundert mit irem süditalienische Königriich Sizilie vereinigt hend. Under de Staufer, wo s Königriich ggerbt hend, isch s Herzogtum Spoleto zum Chilestaat cho. Nach de Teilig vom Königriich Sizilie am Ändi vom 13. Jahrhundert sind die underitalienische Abruzzen vo Neapel us verwaltet worde und hend denaah zum Königriich Neapel ghört, nach em Wiener Kongress ab 1816 zum Königriich beider Sizilie. Sit 1861 gehört s Gebiet zum nüügschaffne Königriich Italie. D Gränze vo de Region hend sich hüfig veränderet, zletscht 1963, wo d Provinz Campobasso us de damalige Region Abruzzi e Molise usgeglideret und so die eigeständigi Region Molise bildet worden isch.

Weblink[ändere | Quälltäxt bearbeite]

 Commons: Abruzze – Sammlig vo Multimediadateie


Information icon.svg Dä Artikel basiert uff ere fräie Übersetzig vum Artikel „Abruzzen“ vu de dütsche Wikipedia.

E Liste vu de Autore un Versione isch do z finde.

42.21666666666713.833333333333Koordinaten: 42° N, 14° O