Haltepungt Traadingè

Hp Traadingè
Dè Hp Traadingè mit beidè Perrongleis, Sitèperron un Wartehüsli
Dè Hp Traadingè mit beidè Perrongleis, Sitèperron un Wartehüsli
Daate
Bauform	Haltepungt
Perron	2
Abchürzig	RT
Eröffnig	9. Mai 1948: Offizièlli Inbedrybnaam
Laag
Gmeind	Traadingè
Kanton	Schaffuuse
Staat	Schweiz
Koordinate	675007 / 27989947.665448.43723
Höchi	402 m
Iisebahnstreckene
Hochrhybaan
Lischte vo de Bahnhööf in dr Schwiz

i7i12i13i15i15i16i17

Haltepungt Traadingè (amtlich Hp Trasadingen) isch èn Haltepungt vo dè Gmaand Traadingè im Bezirk Unterchläggi vum Kanton Schaffuusè. Bi dè Inbedrybnaam vo dè S-Baan Schaffuusè uff èm Hochrhybaan-Abschnitt Ärzingè (Baddè)–Schaffuusè isch dè Hp Traadingè wèg èm zweitè Gleis mit èm zweitè Sitèperron vosää worrè.

Laag

E Portrait vum Hp Traadinge mit Oscht- un Weschtyyfaart

Dè Haltepungt lyt öppè 90 m südlich vo dè H 13, dè Gränzübbergang zwüschè Traadingè un Ärzingè lyt öppè 420 m weschtlich vum Haltepungt. S zuèghörige Dorf Traadingè lyt öppè 200 m nordweschtlich vum Hp Traadingè, s Wyybaudorf Wilchingè lyt öppè 1800 m öschtlich.

Gschichtè

D Traadinger isch nõch dè Blään vo dè Grossherzoglich Baddischè Ysèbaan (BadStB) dè Ärzinger Baanhof zuègwisè worrè. I dè Nõchchriègszit ab 1945 isch dè Traadinger èn provisorischè Haltepungt uff Schaffuuser Boddè zuègwisè worrè, well dè Ärzinger Baanhof vo dè Allierte ab 1945 temporär stillglait worrè isch. . Provisorisch isch vo 1945-1948 üsserscht zuèdrèffend, well dè Haltepungt bim BÜ 492a am km 346,19 ygrichtet worrè isch und sèll hèt ooni Perron un EG fungtionyrè müèsè. Dè Hp Traadingè isch zuè sellèrè Zyt au nu mit 1-2 Büezerzüüg bediènt worrè. Ab Mai 1948 hèt s èn fescht ygrichtetè Haltepungt bim km 346,21 öscthlich vum BÜ gää, dè immerhy us èm Sitèperron un ènèrè Barackè als EG bschtandè hèt.

Gränzübbergang zwüschè Ärzingè/Traadingè a dè Hochrhybaan mit Beschriftungè

Am 5. Oktobèr 2013 isch dè Uusbau vo dè Baanschtrèggi zwüschè Ärzingè un Schaffhuusè fèrtig gsi un im Bedryb übbergää worrè: D Strèggi isch zwǜschè dè Baanhööf Ärzingè un Beringè uff 12,5 km Längi zweigleisig uusbaut un zwǜschè Ärzingè un Schaffuusè elegtrifizyrt worrè. Sitdèm vokeerèd zwǜschè Schaffuusè un Ärzingè d Züüg vo dè Schaffuuser S-Baan im Halbschtundètagt mit Halt an alle Stationè. D Yfüürig vo dè S-Baan hèt im Hp Traadingè zuè Umbaumassnaamè gfüürt. Zèrscht isch s neuè Gleis 2 z nennè, denn dè Sitèperron am Gleis 2. Dè Zuègang zum Gleis 2 volauft übber dè BÜ 492a.

Durch dè Bydritt vo dè Schwyz zum Schengener Abchò im Johr 2008 isch d Bedütig vo dè Gränz zwǜschè dè Schwyz un Dütschland zwar gringer worrè; s git abber au witterhy unregelmäßigi Kontrollè i dè Züüg zwǜschè Ärzingè un Traadingè.

Infraschtruktur

Dè Hp Traadingè isch urschprünglich mit folgendè Komponäntè baut worrè:

• 1 Durchgangsgleis
• EG
• Huusperron
• 1 Baanübbergäng (BÜ) für èn Fèld- un Gränzwäg

Ab 2013 hèt folgèndi Änderigè gää :

• zweits Durchgangsgleis
• zweitè Perron als Sitèperron

Gleisaalaag

D Oschtuusfaart vum Hp Traadingè

D Weschtuusfaart vum Bf Traadingè

S hèt urschrünglich nu ei Perrongleis z Traadingè gää. S Gleis 1 lyt am Huusperron. Sit èm zweigleisigè Uusbau vom Hochrhybaa-Abschnitt isch ès Gleis 2 mit Sitèperron dèzuè chò. Dè Hp Traadingè wörd übber Ärzinger Stellwärch fèrngschtüèrèt. Sèllèwäg sin au z Traadingè Flügelsignaal nõch DB-Bauart durch Ks-Signaal uusduuscht worrè. Èn Baanübbergäng hèts z Traadingè ein, wo öppè 20 m weschtlich vum Hp lyt.

Hochbautè

S EG hèt us èrè Barackè mit eim Stöck un èm Pultdach bschtandè. Hüt (Stand: 2021) gits zwei Perron am Gleis 1 un 2 mit je eim Wartehüsli. Usserdèm git s èn Veloabschtellblatz.

Vokeer

Baanvokeer

Sit èm Dezèmber 2013 vokeert d Schaffuuser S-Baan zwǜschè Schaffuusè un Ärzingè mit Halt z Traadingè im Halbschtundètagt.

• RB Schaffuusè – Hp Traadingè – Ärzingè (SBB GmbH/Thurbo)

D Züüg vom Interregio-Exprèss Basl Bad Bf-Bhf. Friddrichshaffè uff dè DB-Linniè IRE 3 halted un chrützèd im Ärzinger Baanhof ènnèt vo dè Gränz un passyrèd dè Hp ooni Halt.

Literadur

• Schienennetz Schweiz. Usègää 1980 vum Generalsekretariat SBB. Bèrn 1980.
• Hans G. Wägli: Schienennetz Schweiz und Bahnprofil Schweiz CH+. AS Volaag, Züri 2010, ISBN 978-3-909111-74-9.
• Jürg Zimmermann: 125 Jahre deutsche Bahn auf Schaffhauser Boden. Volaag Peter Meili, Schaffuusè 1988, ISBN 3-85805-143-8.
• Rainer Gerber: 125 Jahre Basel–Waldshut: Jubiläum der Eisenbahn am Hochrhein. Ysèbaa-Kuryr Volaag, Fryburg 1981, ISBN 3-88255-789-3
• Hans Wolfgang Scharf: Die Eisenbahn am Hochrhein. Band 1: Von Basel zum Bodensee 1840–1939 (= Südweschtdütschi Ysèbaagschichtè, Band 4). Ysèbaa-Kuryr Volaag, Fryburg 1993, ISBN 3-88255-755-9.
• Hans Wolfgang Scharf: Die Eisenbahn am Hochrhein. Band 2: Von Basel zum Bodensee 1939–1992 (= Südweschtdütschi Ysèbaagschichtè, Band 5). Ysèbaa-Kuryr Volaag, Fryburg 1993, ISBN 3-88255-756-7.

Weblinggs

 Commons: Hp Traadingè – Sammlig vo Multimediadateie