Guggenmusik

Us der alemannische Wikipedia, der freie Dialäkt-Enzyklopedy
Hops zue: Navigation, Suech
L'Os Clodos - Monthey (2005)
d Chatzä-Musig vo Brunne (2012)
d Näcker Gamper us Deißlinge z Bottighofe (2009)

Untere Guggemusik verschtoht mä e Musik, wo bsonderscht in d Fasnetsziit bin nem Umzug odr in nem Feschtzelt gspiilt werd. Bi dä Guggemusik werdet vili bekannti Liedär vo früehner und vo dä hütige Ziit gschpiilt. Und obwohl ma si guet erkenne cha, werdets mit vollere Absicht es bizeli schräg oder schiäf gschpiilt. Da alles in nem meischt schnelle Rhythmus, dä zum mittanze iiladet. Dabii schpiilt mä meischtens uuf Blechblasinschtrument und uuf alli Arte vo Schlagzüüginschtrument. Aber au andiri schuurig luuti Intschrument wiä Sackpfiife und Kuehglockne werdet gern bruuchet.

Ursprünglich isch d Guggemusik us em alte Bruuch vo de Alemanne choo, wo em End vo de Wintrziit hän d Wintergeischter welle mit Lärm vertiibe. Selle hän dodemols de Lärm mit Hörnere, Glockene un Rassle gmacht. Im 1874 danne hän ä paarne bim Basler Morgestraich erschtmols afängt Bloosmusik zspiile. Zerscht isch des nit guat achomme abr mit de Zit hän d Lüt s akzeptiert un s isch ä Johrzent schpätr danne au polizeilich erlaubt gsi. Eso isch d Guggemusik danne ä feschte Bschtandteil vo d Fasnet im Rumm um Basel erum worre un hät sich deno inersiits in d Richtig vo d Zentralschwiiz un andresiits in d Richtig vom Schwobeländli usbreitet. Sit do isch se danne ä feschtr Bschtandteil vo de Basler un de Luzerner Fasnet un vo de schwäbisch-alemannische Fasnet um Südbade erum gsi. Im obere Schwobe gits sit ä paarne Johrzenti au scho ebbis ähnliches wie d Guggemusik, selle nennets abr Lumbe- odr Chatzemusik. Sit de 90er Johre un au hitztag no gits danne soebbis wie ä Modewelli bi de Gugge un eso breitet sich d Guggemusik alswiitr us un isch woohrschins in a paarne Johre übrall in de alemannisch Fasnetsregio un au bim sognennte „Fasching“ im Rhyländische un anderschtwo zfinde.

Weblink[ändere | Quälltäxt bearbeite]

 Commons: Guggenmusik – Sammlig vo Multimediadateie