Fritz Kuhn

Us der alemannische Wikipedia, der freie Dialäkt-Enzyklopedy
Dialäkt: Undermarkgreflerisch
Dr Fritz Kuhn (2006)

Dr Fritz Kuhn (* 29. Juni 1955 z Bad Mergentheim) isch e dytsche Bolitiker (Bindnis90/Di Griene) un syt em 7. Jänner 2013 Oberburgermaischter vu Stuegert.

Läben und Beruef[ändere | Quälltäxt bearbeite]

Dr Fritz Kuhn isch z Memmenge ufgwagse. As Schueler vum dertige Bernhard-Strigel-Gymnasium het sich dr Kuhn bolitisch u. a. bi dr Memmenger Jusos in dr SMV un as Schuelsprächer engaschiert. Wu dr domolig Oberburgermaischter Johannes Bauer im Spotjoh 1973 eme Dramaturg vum Memmenger Theaters gchindet ghaa het, het dr Kuhn bi dr Organisation vun ere große Demonstration mitgmacht.

Noch em Abitur 1974 z Memmenge het dr Kuhn Germanistik un Philisophi z Minche un z Dibenge studiert, 1980 het er sy Studium as Magister Artium mit em Schwärpunkt Linguischtik abgschlosse. Derno het er vu 1981 bis 1984 as wisseschaftlige Mitarbaiter un as Beroter gschafft. Vu 1989 bis 1992 isch dr Kihn Profässor fir sprochligi Kommunikation an dr Merz-Akademi z Stuegert gsii.

Dr Fritz Kuhn isch mit dr ehmolige Griene-Landdagsabgordnete Waltraud Ulshöfer ghyrote, het zwee Sihn un wohnt syter anne 2001 z Berlin-Frohnau.

Bolitik[ändere | Quälltäxt bearbeite]

Dr Kuhn isch as Studänt Mitgliid vu dr SPD wore, wun er aber anne 1978 wäge dr Bolitik vum Helmut Schmidt verloo het. Anne 1980 het er zue dr Gridnigsmitgliider vu dr Griene z Bade-Wirttebärg ghert. Vu 1991 bis 1992 isch dr Sprächer vun ene im Gschäftsfierende Landesvorstand gsii. Vu 1984 bis 1988 un au vu 1992 bis 2000 het dr Kuhn em Landtag von Bade-Wirttebärg aaghert un isch do in däre Zyt au Vorsitzende vu dr Landdagsfraktion vu dr Griene gsii. No dr Bundesdagswahl 1998 het er zue dr Delegation vu dr Griene bi dr Koalitionsverhandlige mit dr SPD ghert.

Vu Juni 2000 bis Dezämber 2002 isch dr Kuhn zerscht zämme mit dr Renate Künast un ab Merz 2001 mit dr Claudia Roth Bundesvorsitzende vu Bindnis 90/Di Griene gsii. Syt 2002 isch er Mitgliid im Dytsche Bundestag. Är isch alliwyl iber d Landeslischte Bade-Wirttebärg in dr Bundesdag yyzoge. Im Bundestag het er zerscht d Fraktionsarbetsgruppe Wirtschaft un Arbet glaitet un isch derno vu Februar bis Oktober 2005 ussebolitische Sprächer vu dr Bundesdagsfraktion Bindnis 90/Di Griene gsii. Im Wahlkampf fir d Bundesdagswahl 2005 isch dr Kuhn dr Wahlkampfmanager vu dr Bundesbartei gsii. Är het em Barteirot vu dr Griene aaghert, isch aber anne 2008 mit syre Kandidatur gschyteret un isch wäge däm us em Gremium uusgschide.[1] Am 27. Septämber 2005 sin dr Kuhn un d Renate Künast zue dr Vorsitzende vu dr Bundesdagsfraktion Bindnis 90/Di Griene gwehlt wore. No dr Bundesdagswahl 2009 het er nimi fir des Amt kandidiert, ä isch aber zue aim vu dr stellverdrättende Vorsitzende gwehlt wore.

Im Februar 2012 isch dr Kuhn vum stellverdrättenden Fraktionsvorsitz zruckdrätte go dr Kandidat gee fir s Amt vum Oberburgermaischter vu Stuegert. Im Merz 2012 isch er vun ere Mitgliiderversammlig nominiert wore.[2] Bim Wahlgang am 7. Oktober 2012 isch dr Kuhn mit knappem Vorsprung e guet Drittel vu dr Stimme chuu. Wel ekain vu dr Kandidate di absolut Mehrhait iberchuu het, isch e zweete Wahlgang neetig wore, wu ne relativi Mehrhait glängt het.[3] Dr Kuhn het dr zweet Wahlgang am 21. Oktober 2012 mit 52,9% vu dr Stimme gwunne.[4] Är het des Amt am 7. Jänner 2013 aadrätte.

Fueßnote[ändere | Quälltäxt bearbeite]

  1. Grünen-Parteitag: Kuhn scheitert bei Wahl des Parteirats
  2. Fritz Kuhn tritt für die Grünen an. Spiegel-Verlag. 16. März 2012. Abgrüeft am 20. Oktober 2012.
  3. Zweiter OB-Wahlgang mit Spannung erwartet. Südwestrundfunk. 19. Oktober 2012. Abgrüeft am 20. Oktober 2012.
  4. Oberbürgermeisterwahl 2012 Stuttgart Vorläufiges Endergebnis (Site cha nüme abgrüeft wärde; Suche im Webarchiv)[1] [2] Vorlage:Toter Link/www.stuttgart.de, ufgruefen am 21. Oktober 2012

Literatur[ändere | Quälltäxt bearbeite]

  • Munzinger Internationales Biographisches Archiv 02/2006 vum 14. Jänner 2006 (la)

Weblink[ändere | Quälltäxt bearbeite]

 Commons: Fritz Kuhn – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „Fritz_Kuhn“ vu de dütsche Wikipedia. E Liste vu de Autore un Versione isch do z finde.