Fastenzeit

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Di chrischtlig Faschtazit isch die Zit zwischa Aschermittwoch und Ostere. Si durat 40 Täg, wobei d Sunntig nöd zählt werdend.

Christliche Sinn[ändere | Quälltäxt bearbeite]

Der religiees Zwäck vum Faschte isch: Mer soll si Geischt un si Wille stärke - so kammer besser Gott diäne un dr Verlockunge vu dr Wält (oder vum Dejfel) widerstoh.

Jesus mit em Tüfel i de Wüesti (Holzschnitt us 'Bible i Bilder')

Biblische Hindergrund[ändere | Quälltäxt bearbeite]

Diä 40 Tag vo da Faschtazit sin noch eme biblische Ereignis feschtglegt wore: Dr Jesus Chrischtus het vor sim öffentliche Wirke 40 Dag in dr Wiäschti gfaschtet. Un verschiidene Verlockunge vum Dejfel widerstande. Noch em Mattäus-Evangelium uf Züridütsch het er im Deifel unter anderem zruck gä:

"De Mäntsch läbt nöd nu vom Broot, näi, er läbt von all dem, wo Gott säit."

Bruuchtum[ändere | Quälltäxt bearbeite]

In der Faschtazit sött ma koa Fleisch und koane Süeßigkeita easa oder z.B. ufs Röcha verzichta. Faschtabrecha währ denn albig am Sunntig. Vili Lüt pfläged hüt nu no de Äschermittwoch und de Karfrytig i de Faschtazit als Faschttag. Es git no Restorant, wo a däne Täg a Menü mit Fisch (mängmol Stockfisch) oder en fleischlose Tageställer aabüted.

Dä Bruuch vom Faschta gits au usserhalb vo de Faschtazit jewils ame Frytig, als Erinnerig an Karfrytig, em Gedänktag vom Stärbe vo Jesus am Krütz.

Hungertuech oder Fastenvelum

I katholisch prägte Regione werd i de Fastezyt i de Kirche alli Krüz und d Bilder vo de Hoch- und Sytealtär mit violette Tüecher abdeckt. Wos Flügelaltär hät, werded dia zueklabt - au s Aug söll i dera Zyt faste. I denoo Pfarreie gits de Bruuch vom Hungertuech, wo i de Kirche ufghängt werd.

I de Schwiz gits im Zämehang mit de Fastezyt verschidni Akzione und Veraastaltige vom Fastenopfer und vo Brot für alle.

Anderi Kulturkrais[ändere | Quälltäxt bearbeite]

Aü anderi Religione känne Faschtezitte, im sunnitische Islam isch des dr Ramadan - do wird zwische Sunneufgang un Sunneuntergang nyt gässe un nyt drunke un ke Gschlächtsverkehr vollzoge. In dr Nachtstunde wird s Faschte broche. Kinder, Granki un Reisendi sin vum Faschte befrejt.