Bezirk Schwyz

Us der alemannische Wikipedia, der freie Dialäkt-Enzyklopedy
Dialäkt: Züridütsch (See)

Dr Bezirk Schwyz (Uusschprach [ʃviːts]), isch en Bezirk vom Kanton Schwyz i dr Schwyz.

Dr Bezirk Schwyz umfasst mit 506.5 km² öppe d Hälfti vo dr Kantonsflächi, aber nur knapp zwei Fünftel (49'106) vo de Iiwohner. Er isch bezüglich Iiwohner und Flächi dr mit Abschtand gröschti vo de sechs Bezirk.

Geografischi Laag[ändere | Quälltäxt bearbeite]

Dr Bezirk Schwyz umfasst d Gegend zwüsched Zugersee und Vierwaldschtättersee, s Moutital und s Bibertal Richtig Einsidle. Er entschpricht ungefähr em alte Land Schwyz, wo während Jahrhunderte als Schtand Schwyz gschichtlichi Bedüütig ghaa hät.

Zum Bezirk ghöred 15 Politischi Gmeinde. S Gebiet umfasst also au nördlich vo dr Wasserscheide am Mythe glegeni Teil, was uf d Landerwiiterig i dr Alte Eidgenosseschaft zruggzfüehre isch.

Politischi Gmeinde[ändere | Quälltäxt bearbeite]

Bezirk Schwyz
Gmeinde vom Bezirk Schwyz
Wappe Name vo dr Gmeind Iiwohner
(Dez. 2005)
Flächi
in km²
BFS-Nr
Alpthal Alpthal 511 22.9 1361
Arth Arth 9918 48.6 1362
Illgau Illgau 776 10.9 1363
Ingebohl Ingebohl 7863 16.2 1364
Lauerz Lauerz 943 9.2 1365
Morschach Morschach 893 23.4 1366
Muotital Moutital 3543 172.4 1367
Oberiberg Oberiberg 771 32.9 1368
Riemeschtalde Riemeschtalde 75 11.2 1369
Rotheturm Rotheturm 2017 22.8 1370
Sattel Sattel 1566 17.3 1371
Schwyz Schwyz 14'302 53.3 1372
Schteine Schteine 3004 11.8 1373
Schteinerberg Schteinerberg 890 7.0 1374
Underiberg Underibrig 2289 46.5 1375
Total 49'361 506.4 0506


Ortschafte[ändere | Quälltäxt bearbeite]

Gschicht[ändere | Quälltäxt bearbeite]

Schwyz ghört mit Uri und Underwalde zu de Alte Drei Ort, wo 1291 d Eidgenosseschaft gründet händ. Wichtig für d Gschicht vo dr Talschaft isch dr Schtriit mit em Chloschter Einsidle worde. Die Abtei, wo 934 vo Schtrassburg uus gründet worde isch, hät vo de schwäbische Herzög und de römisch-düütsche Kaiser grossi Ländereie gschenkt überchoo. Dezue händ au Sihl, Alp und Biber ghört. Im 11. Jahrhundert hät sich dänn d Grossviehhaltig verbreitet. Für die hät mer meeh Weideland und Alme bruucht. Die häts uf dr andere Siite vo dr Wasserscheide (BibereggHaggeneggHolzeggIbergeregg) und eso also uf Chloschtergebiet ghaa. Büürlichi Rodige und d Entfüehrig vo de Mönch dur d Schwyzer händ zumene Rachefeldzug vo de Habsburger gfüehrt, wo sit 1283 d Herre vo dr Waldschtatt gsii sind. Dr Siig i dem militärische Konflikt (Schlacht am Morgarte vo 1315) hät de Schwyzer schliesslich de Bsitz vo beträchtliche Gebiet enet de Mythen gsicheret.

Weblinks[ändere | Quälltäxt bearbeite]



Dä Artikel basiert uff ere fräie Übersetzig vum Artikel „Schwyz_(Bezirk)“ vu de dütsche Wikipedia. E Liste vu de Autore un Versione isch do z finde.