Berner-Oberland-Bahn

Berner-Oberland-Bahn
Zug ds Interlake Zug ds Interlake
Fahrblanfäld:	311, 312
Streckelengi:	23.69 km
Spurwyti:	1000 mm (Meterspur)
Stromsystem:	1500 V =
Maximali Neigig:	Adhäsion 27 ‰ Zahnstange 120 ‰
Zahnstangesystem:	Riggenbach/Von Roll
Interlaken–Lauterbrunnen/Grindelwald
Legende −0.18 Interlaken Ost 567 m ü. M. Anschluss zur BLS; Rollschemelanlage Verbindungsgleis zur ZB-Brünig 3.24 Wilderswil 584 m ü. M. Anschluss zur SPB Buechi Umler 107 m 5.51 Umler 633 m ü. M. Lehne Auenwald 111 m Fehlerprofil -0,02 8.20 Zweilütschinen 652 m ü. M. Depot und Werkstätte 10.42 Sandweid 725 m ü. M. 12.30 Lauterbrunnen 795 m ü. M. Anschluss zur WAB und BLM Buechi (708 m / 60 m) Buechiwanggalerie (108 m) 12.31 Lütschental 714 m ü. M. 14.45 Burglauenen 896 m ü. M. Fehlerprofil +0,08 16.76 Schwendi bei Grindelwald 920 m ü. M. Rothenegg (geplant) Seilbahn 19.35 Grindelwald 1'034 m ü. M. Anschluss zur WAB

D Berner-Oberland-Bahn (abgekürzt: BOB, Eigeschribwis durch ds Unernähme: Berner Oberland-Bahn) isch e Schmalspurbahn im Berner Oberland ider Schweiz. Disi Meterspurbahn isch am 1. Juli 1890 eröffnet und am 17. März 1914 elektrifiziert worde. Si füehrt vo Interlaken Ost über Zweilütschinen uf Lauterbrunnen und Grindelwald.

D Bahn ghört zämme mit der Schynigen Platte-Bahn zu de Berner Oberland-Bahnen AG, ere Aktiengesellschaft. D amtliche Initiale BOB gälte für ds Unernähme, also ou für d SPB.

Strecke

Bahnhof Burglauenen

De Streckeverlouf entspricht eme Ypsilon und faht am Bahnhof Interlake Ost a, wo Aschluss zer normalspurig BLS und zer meterspurig Brünigstrecke vo der Zentralbahn besteit. Zwar besteit ds Interlake Ost Gleisverbindig zer Brünigbahn, wäge de unterschiedliche Fahrdrahtspannige brucht aber jedi Gschellschaft seperati Gleis. D Strecki füehrt zerst uber Wilderswil uf Zweilütschine. Ds Wilderswil faht im Bahnhof d Schynige Platte-Bahn (SPB) a, ds Zweilütschine teilt sich d Strecki uf Grindelwald und Luterbrunne. Uf der Strecki uf Luterbrunne hets zwei Zahnstangeabschnitt, d Maximalstigig betreit hie 96 ‰.

vereifachts Höheprofil vo de Strecke

In Richtig Grindelwald ligt de erschti Zahnstangeabschnitt uf ganzer Längi zwische de Bahnhöf Lütschental und Burglauenen mit enre Maximalstigig vo 120 ‰. De zweit befind sich uf de letzte 1,5 km vorem Bahnhof Grindelwald. Ds Grindelwald und Luterbrunne bsteit e Umstigemöglichkeit zur Wengernalpbahn (WAB) uf Wenge und uf d Chlini Scheidegg. Ds Luterbrunne ligt näbem Bahnhof d Talstation vo dr Bergbahn Lauterbrunnen–Mürren (BLM).

2015 isch en Neutrassierig zwische Zweilütschine und Lüschetal mitem 708 m lange Buechi-Tunnel in Betrieb geno worde. Unerhalb vo Grindelwald isch 2018 mitem Bau voder neue Station Rotheegg agfange worde, hie soll ab Endi 2019 der Umstig zur neue V-Bahn de Gondelbahn Grindelwald–Männlichen zur Station Eigergletscher der Jungfraubahn möglich si.

Der inzwische igstellt Guetervercher mit Rollschemeln vo der Brünigbahn isch nur uf de Adhäsionsstrecken, d. h. zwische Interlake Ost und Lütschetal, zulässig gsi. Für de Guetertransport uf Grindelwald und Luterbrunne sind näbe de übliche gedeckte und offene Gueterwage ou Behältertragwage und Kesselwage vorhande gsi.

E Förderer der BOB isch der Grindelwalder „Gletscherpfarrer“ Gottfried Strasser gsi.

Technische Normen

Bi der Planig vo der Strecki richtet me sich nach der bi der Brünigbahn und später ou der Luzern-Stans-Engelberg-Bahn verwendete Spurweite von 1000 mm und em Zahnstangensystem Riggenbach, so dass möglich isch, Rollmaterial usztusche. Wäge de unerschidliche Fahrdrahtspannige, d Zentralbahn brucht wie d SBB ds Einphasenwechselstromsystem mit 15 kV und 16,7 Hz, gilt das nur no für d Wäge und d thermische Tribfahrzüg. Bei der Elektrifizierig vo der Brünigbahn het d SBB d Heizspannung von der BOB übernoh. Si betreit 1500 statt 1000 Volt wie bei de Normalspurwage vo der SBB. Zudem isch darauf geachtet worde, dass d Vielfachsteuerleitung vo de Wage mit de fremde Tribfahrzüg funktioniert. Im Regelbetrib verchere kei durchgehendi Wage oder Züg meh.

Bei Ersatz vo verschlissene Riggenbach-Zahnstange chunt z kompatibel System Von Roll zum Isatz. Seit Endi 2017 wird ganzjährig e Halbstundetakt abote.

Farbe

Zwei ABeh 4/4 I ds Interlake Ost mit der erscht creme/brune Lackierig

BDt 403 ds Grindelwald mit der neuere beige/brune Lackierig

B 255 mit der aktuell gälb/blaue Lackierig ab 2004

• Vo Afang ah bis ca. im Jahr 1985 isch ds Rollmaterial vo der BOB creme/brun lackiert gsi.
• Ab ca. 1985 sind d Fahrzüg beige/brun umlackiert worde.
• Ab 2004 hei d Fahrzüg ihr aktuell gälb/blau Lackierig becho, wo d Gletscher und Sunne symbolisiere sölle.

Unfälle

Am 30. Juni 1928 isch nacheme Gewitter e chlini Isebahnbrüg zwische Wilderswil und Zweilütschine weggrisse worde. E Zug isch teilwis ine Wildbach grisse worde; e Person stirbt, 13 sind verletzt worde.

Am 7. August 2003 sind zwei Personezüg zwische Wilderswil und Zweilütschinen zämmegstosse. En Passagier isch schwer verletzt worde und später im Spital gstorbe, 63 sind leicht verletzt worde. Der Triebfahrzeugführer vom uf Interlake fahrende Zug het beim Ubergang vo Doppelspur- uf de Eispurabschnitt ds Halt zeigend Signal uberseh. Wo der Triebfahrzeugfüehrer das gmerkt het, het är de Zug sofort aghalte. Inzwische isch aber der Gegenzug vo Wilderswil här in de Einspurabschnitt igfahre. D Strecki isch no ned mitere Zugsicherung usgrüschtet gsi, der Ibou von ZSI-127 isch jedoch zu dem Zitpunkt vom Unfall bereits im Gang gsi.

Fahrzeugpark

HG 3/3 Nr. 2 vo 1890, Eröffnungsjahr vo der Berner-Oberland-Bahn.

ABeh 4/4 I 307 im Jahr 2010.

ABeh 4/4 II 311 ds Grindelwald.

Stürwage BDt 402 1993 ds Interlake Ost.

Niederflur-Gelenkstürwage ABt 422 in Wilderswil.

Triebzug ABDeh 8/8 324 ds Luterbrunne.

Niederflur-Gelenkstürwage 2. Generation (2017) ds Zweilütschine.

Aktuelli und ehemaligi Fahrzüg

Lokomotive

• HG 3/3 1 bis 6 (1890, 93) SLM, Nr. 2 und 4 1914 an Chur-Arosa-Bahn, Nr. 1, 3, 6 umgspurt uf 950 mm und nach Italie verchouft (SFM/MCL/FCL 251–253), Nr. 5 Reserve bis 1956, kei Lok becho.
• HG 3/3 7 bis 10 (1906, 10) SLM, 1915/17 umgspurt uf 950 mm und nach Italien verchouft (SV 110 und SFM/MCL/FCL 261–263), kei Lok becho, glichi Bouart wie Brünigbahn 1051–1068.
• HG 2/2 11 Eiger (1893) SLM, 1914 Zahnradatrib usbout, Rangierlok Interlake, vom 24. November 1924 bis 9. März 1925 uf der BLM igsetzt, 1947 usrangiert, 1949 abbroche.
• HGe 3/3 21 bis 28 (1914) SLM / MFO / BBC, 24 im Berner Oberland und 26 im Bahnmuseum Kerzers-Kallnach jedoch unvollständig vorhande.
• HGe 3/3 29 (1926) SLM / MFO, 2013 an die Museumsbahn Blonay–Chamby abgä.
• HGm 2/2 31 (1985) Steck / Deutz / SLM

Triebwage

Triebwage
Bezeichnig	Inbetrieb- nahm	Bild vom Fahrzüg	Wappe	Status
ABDeh 4/4 301	1949		–	1988 an MIB vermietet, Abbruch 1996
ABDeh 4/4 302	1949		–	ex Dienschtfahrzüg, no im Depot Zweilütschine
ABDeh 4/4 303	1949		–	Abbruch 2019
ABeh 4/4 I 304	1965		Bern	neus Dienschtfahrzüg
ABeh 4/4 I 305	1965		Gündlischwand	August 2003 Kollision Umler, Abbruch 2018
ABeh 4/4 I 306	1965		Lütschental	Abbruch 2018
ABeh 4/4 I 307	1965		Wilderswil	Abbruch 2018
ABeh 4/4 I 308	1965		Gsteigwiler	Abbruch 2018
ABeh 4/4 I 309	1979		–	1999 an BZB verchauft
ABeh 4/4 I 310	1979		Matten b. Interlaken	no erhalte
ABeh 4/4 II 311	1986		Grindelwald	Umbau 2019, Ersatz für Triebzüge
ABeh 4/4 II 312	1986		Interlaken	Im Umbau
ABeh 4/4 II 313	1986		Lauterbrunnen	Kollision Umler August 2003, Im Umbau

Triebzüge

• Sit 2017 sind d neue ABDeh 8/8 Triebzüg vo Stadler Rail im Isatz.

Triebzüge
Bezeichnung	Inbetrieb-nahme	Bild des Fahrzeugs	Status
ABDeh 8/8 321	2017		In Betrieb
ABDeh 8/8 322	2017		In Betrieb
ABDeh 8/8 323	2017		In Betrieb
ABDeh 8/8 324	2017		In Betrieb
ABDeh 8/8 325	2017		In Betrieb
ABDeh 8/8 326	2017		In Betrieb

• Am 13. Dezember 2024 isch der erst vo de 10 neue ABeh 4/8 uf Zweilütschine cho.

Triebzüge
Bezeichnung	Inbetrieb-nahme	Bild des Fahrzeugs	Status
ABeh 4/8 331	2024		Abglifret
ABeh 4/8 332	20		In Produktion
ABeh 4/8 333	20		In Produktion
ABeh 4/8 334	20		In Prosuktion
ABeh 4/8 335	20		In Produktion
ABeh 4/8 336	20		In Produktion
ABeh 4/8 337	20		In Produktion
ABeh 4/8 338	20		In Produktion
ABeh 4/8 339	20		In Produktion
ABeh 4/8 340	20		In Produktion

Steuerwagen

Steuerwagen
Bezeichnung	Inbetrieb-nahme	Bild des Fahrzeugs	Status
BDt 401	1987		Abbruch
BDt 402	1987		2019 an Museumsbahn ds Frankrich verchouft
BDt 403	1987		2019 an Museumsbahn ds Frankrich verchouft
ABt 411	1982		ex RBS, Abbruch 2018
ABt 412	1981		ex RBS, Abbruch 2018
ABt 413	1981		ex RBS, no erhalte
ABt 414	1981		ex RBS, Ersatz für GSW
ABt 415	1981		ex RBS, Ersatz für GSW
ABt 421	2004		In Betrieb
ABt 422	2004		In Betrieb
ABt 423	2004		In Betrieb
ABt 424	2004		In Betrieb
ABt 425	2004		In Betrieb
ABt 431	2017		In Betrieb
ABt 432	2017		In Betrieb
ABt 433	2017		In Betrieb

Persone- u Gepäckwage

Houptartikel: Liste von Reisezugwagen der Berner-Oberland-Bahn

Ersatzzüg

Wenn mal e ABDeh 8/8 z. B. wägeme Defekt usfallt, wird darfer e Triebwage ABeh 4/4 II zämme mitme GSW igsetzt.

Wenn mal e GSW usfalle söt wird der ABt 414 oder 415 zämme mit einem oder sogar zwei B hinerem Triebzug oder em erschte GSW akupplet[3]

Historischi Fahrzüg

Historischi Fahrzüg vo der Berner-Oberland-Bahn lueg im Kapitel Aktuelli und ehemaligi Fahrzüg.

Weiteri historischi Fahrzüg befinde sich bi folgende Organisatione:

• Ballenberg Dampfbahn (BDB)
• Modelleisenbahnfreunde Eiger Zweilütschinen (MEFEZ)
• Museumsbahn Blonay–Chamby (BC)

Literatur

• Hans Häsler: D Berner-Oberland-Bahnen. Minirex AG, Luzern, ISBN 3-907014-04-9.
• Berner Oberland-Bahn (Hrsg.): D einstige Dampflokomotive vo der Berner Oberland-Bahn. Ohni Verlag, Interlake
• Theo Stolz: D Tribfahrzüg vo de Bahne der Jungfrauregion. Eigenverlag 1986, ISBN 3-907976-04-5
• Wolfgang Finke: D Fahrzüg der Jungfraubahne 1. Es Buech uf DVD, Verlag tram-tv, Köln 2010, ISBN 978-3-9813669-2-1.
• E. Strub: Berner Oberland-Bahnen mit besonderer Berücksichtigung der schweiz. Zahnradbahnen mit Reibungsstrecken. In: Schweizerische Bauzeitung (SBZ). (archiviert in E-Periodica der ETH-Bibliothek):
  Teil I.. In: SBZ, Band 25 (1895), Heft 8 (PDF, 1,8 MB)
  Teil II.. In: SBZ, Band 25 (1895), Heft 9 (PDF, 3,7 MB)
  Teil III.. In: SBZ, Band 25 (1895), Heft 11 (PDF, 1,5 MB)
  Teil IV.. In: SBZ, Band 25 (1895), Heft 12 (PDF, 3,3 MB)
  Teil V.. In: SBZ, Band 25 (1895), Heft 13 (PDF, 2,4 MB)
  Teil VI.. In: SBZ, Band 25 (1895), Heft 14 (PDF, 3,1 MB)
  Teil VII.. In: SBZ, Band 25 (1895), Heft 16 (PDF, 1,8 MB)
  Teil VIII. (Schluss). In: SBZ, Band 25 (1895), Heft 17 (PDF, 3,8 MB)

Weblinks

 Commons: Berner-Oberland-Bahn – Sammlig vo Multimediadateie

• Berner Oberland Bahn auf der Website der Jungfraubahnen Management AG
• Fotos von der Berner-Oberland-Bahn in der BahnGalerie (www.bahngalerie.de)
• Semaphor - Sonderausgabe 100 Jahre HGe 3/3

Fuessnoote

Dä Artikel basiert uff ere fräie Übersetzig vu dere Version vum Artikel „Berner-Oberland-Bahn“ vu de dütsche Wikipedia. E Liste vu de Autore un Versione isch do z finde.