Brown, Boveri & Cie.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Brown, Boveri & Cie. isch en Aargauer Technikfirma gsi. Umgangssproochlech het men ere eifach BBC gseit.

Si isch 1891 z Bade gründet worde und het sid em Afang vo der Elektrotechnik i dr Schwiiz e füerendi Rolle gspilt.

D BBC het für vil Chraftwärch i dr Schwiiz und uf dr ganze Wält d Maschine bout, wo mit ere Usgangschraft elektrische Stroom gmacht händ, und drzue ane d Transformatoore für s Stromnetz und au Elektromotoore, wo me dr Stroom prucht het. Zytewys isch si dr gröscht Maschineboukonzärn vo dr Schwiiz gsi. Und si het au elektrische Lokine gmacht. Sid 1937 sind vo de BBC-Fabrigge drzue elektronischi Gräät und sid 1939 Gasturbyne cho.

1965 het d BBC d Maschinefabrigg Örlike z Züri übernoo und 1969 d Gämfer Ateliers de Sécheron.

Anne 1988 isch dr Badener Konzärn mi dr schweedischen ASEA zämegleit worde, das het d ABB ggä, wo hüt der Sitz von ere z Züri isch.

Literatur[ändere | Quälltäxt bearbeite]

  • Werner Catrina: BBC. Glanz, Krise, Fusion. 1891–1991. Von Brown Boveri zu ABB. Orell Füssli, Zürich u. a. 1991, ISBN 3-280-02042-5.

Weblink[ändere | Quälltäxt bearbeite]

 Commons: Brown, Boveri & Cie. – Sammlig vo Multimediadateie