Museumsbahn Blonay–Chamby
Dialäkt: Bärndütsch |
![](http://upload.wikimedia.org/wikipedia/commons/thumb/7/75/Blonay-Chamby_Cornaux_-_02.jpg/220px-Blonay-Chamby_Cornaux_-_02.jpg)
![](http://upload.wikimedia.org/wikipedia/commons/thumb/e/e8/Blonay_Monthey%E2%80%93Champ%C3%A9ry%E2%80%93Morgins-Bahn_BCFeh_4_4_6_2015-08.jpg/220px-Blonay_Monthey%E2%80%93Champ%C3%A9ry%E2%80%93Morgins-Bahn_BCFeh_4_4_6_2015-08.jpg)
D Museumsbahn Blonay–Chamby (BC), uf Französisch Chemin de Fer-Musée Blonay-Chamby, isch im Jahr 1968 entstande, u isch somit die eutischti Museumsysebahn i der Schwiiz.
A de Wucheändi i der Summerseson bietet d Museumsysebahn ir Region Montreux-Vevey ar Waadländer Riviera Bahnvergnüege pur bi re Fahrt mit eim vo ire Züg mit Dampf- oder Elektrotraktion. Z Chaulin, wo vom Bahnhof Blonay här uf der Bahnstrecki nach Chamby erreichbar isch, wird die schwiizwit gröschti Sammlig a betribsfähige historische Meterspur-Fahrzüg zeigt.
D Museumsbahn wird dür Freiwilligi betribe. Die unterhaute ou dä i zwe Haue usgsteuti einzigartig Fahrzügpark, wo us über 70 Dampflokomotive, Elektrolokomotive, Elektrotriibwage, Tram, Personewäge u Güeterwäge us de Jahr 1874 bis 1948 besteit. D Fahrzügsammlig giut aus eini vo de repräsentativste z Europa.
Die vo der Museumsbahn befahreni Bahnstrecki vo Blonay nach Chamby stammt us em Jahr 1902 u isch drei Kilometer läng. Z bekantischti Bouwärk isch der 78 Meter längi u 45 Meter höchi Steibogeviadukt über der Schlucht "Baye de Clarens".
Literatur
[ändere | Quälltäxt bearbeite]- Sébastien Jarne (Hrsg.): Le chemin de fer touristique Blonay–Chamby. Lausanne 1986.
- Alain Castella und Charles-Maurice Emery: Faire La Voie, Chemin de fer-Musée Blonay–Chamby. Departement für Bildung, Jugend und Kultur (DFJC) – Amt für Kultur (SERAC) des Kanton Waadt, Lausanne 2010.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)