Benutzer:Al-qamar/Schmitte
Die Liste vo de Messenische König zellt d König uuf, wo noch de antike Öberliferig öber Messenie oder e Tail dodevo gherrscht hend. Di uusfüerelichsti Abhandlig findet sich bin Schriftsteller Pausanias, wo im vierte Buech vo siim Werch Raise z Griecheland di mythischi und historischis Gschicht vo Messenie uufgschribe hett.
Do de Umfang vom mythische und früehistorische Messenie nöd aidüttig umrisse isch, wered verschidnigi Dynastie und Piet zo dere Liste grechnet, nämmli ono d Triphylie am Ionische Meer wo im Norde a Messenie grenzt und d Stadt Pharai, wo offebar vomene Underkönig biherrscht woren isch.
Die erste Könige sind rain mythisch, da gelt för de Polykaon, för d Aiolide, d Neleide. d Heraklide und d Aipytide bis zom Sybotas. D König nochem Phintas chönntet historisch gsii sii, da isch aber umstritte.
| Name | Hoptstadt | Bimerkige | Quelle |
|---|---|---|---|
| Polykaon | Andania | het zäme mit sinnere Frau Messene Messenie bisidlet. | Paus. 4.1.2. |
Vom Polykaon und vo de Messene sind kani Noofaare bikannt. De Pausanias hett fööf Generatione uusgrechnet, bis de Aiolid Perieres uf Messenie choo isch. (Paus. 4.5.2)
| Name | Hoptstadt | Bimerkige | Quelle | |
|---|---|---|---|---|
| Perieres | Andania | Paus. 4.2.2 | ||
| Aphareus & Leukippos | Arene | De Aphareus het e Tail a de Chüste em Neleus abtrette. | Paus. 4.2.4. | |
| Idas & Lynkeus | Arene | Argonaute | Paus. 4.3.1. | |
| Neleus | Pylos | er het vom Aphareus e Landstraiffe a de Chüste öbercho | Paus. 4.2.5. | |
| Nestor | Pylos | Troianische Chrieg | Paus. 4.3.1. | |
| Thrasymedes | Pylos | |||
S isch nöd klaar weli Neleide nochem Tood vom Nestor König vo Pylos gsii sind. Si sind vo de Heraklide vertribe wore. Noch de antike Öberliferig söled d Heraklide im Joor 1104/3 v. Chr. d Peloponnes eroberet haa. Da Datum isch natürli nöd historisch. Da gelt o fö d Date vode jüngere Aipytide. Sofern si historisch gsii sind, müend di Daate um rund 40 Joor spööter aagsetzt were.
| Name | Hoptstadt | Regierigsziit | Bimerkige | Quelle |
|---|---|---|---|---|
| Kresphontes | Stenykleros | ab 1103 v. Chr. | Er hett d Neleide vertribe. | Paus. 4.3.6f. |
| Polyphontes | Stenykleros | Mörder vom Kresphontes | Apollodor 2.8.5 | |
| Aipytos | Stenykleros | Paus. 4.3.8. | ||
| Glaukos | Stenykleros | Paus. 4.3.9. | ||
| Isthmios | Stenykleros | Paus. 4.3.10. | ||
| Dotadas | Stenykleros | Paus. 4.3.11. | ||
| Sybotas | Stenykleros | Paus. 4.3.11. | ||
| Phintas | Endi 9. Jh. v. Chr. | Paus. 4.4.1. | ||
| Androkles | Stenykleros | † 745 v. Chr. | zäme mit siim Brüeder | Paus. 4.4.4. |
| Antiochos | Stenykleros | † 744 v. Chr. | zäme mit asiim Brüeder | Paus. 4.4.4. |
| Euphaes | Ithome | 743-731 v. Chr. | Erste Messenische Chrieg | Paus. 4.10.4 |
| Aristodemos | Ithome | 731-725/4 v. Chr. | Erste Messenische Chrieg | Paus. 4.13.4 |
Nochem Tood vom Aristodemos isch de Damis astell vomene König zom oberste Feldherr ernennt wore, de isch aber no im gliiche Joor im Chrieg umchoo und sitt denn hett Messenie zo Sparta ghört. Nochem Pausanias isch im Aafang vom Zweete Messenische Chrieg ane 685 v. Chr. de messenischi Fraihaitsheld Aristomenes, en Aipytid, z Andania zom König gwäält wore, de hett aber de Titel abgleent. Aineweeg dörst da chuum historisch gsii sii.
Mythischi Förste vo Pharai
[ändere | Quälltäxt bearbeite]För d Stadt Pharai sind ebefalls mythischi Herrscher bizügt. Nochem Pausanias isch die Stadt z Messenie glege, anderi lokalisiert da aber z Arkadie.
| Name | Hoptstadt | Bimerkige | Quelle |
|---|---|---|---|
| Pharis | Pharai | Gründer vo Pharai | Paus. 4.30.2 |
| Ortilochos | Pharai | Ilias 5.546 | |
| Diokles | Pharai | Troianische Chrieg | Paus. 4.30.3 |
| Nikomachos & Gorgasos | Pharai | sind spööter z Pharai as Heroe vereert wore. | Paus. 4.30.3 |
Noowiis
[ändere | Quälltäxt bearbeite]
Literatur
[ändere | Quälltäxt bearbeite]- Pausanias: Raise z Griecheland, Buech 4 (Messeniaka)