Polyphontes

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Polyphontes (altgriechΠολυπηόντης) isch i de griechischen Mythologie e König vo Messenie gsii.

De Polyphontes hett zom Gschlecht vo de Heraklide ghört, doch sind sini Vorfaare nöd bikannt. Er hett de messenischi König Kresphontes ermordet und dem sini Frau Merope zwunge, ass si en hüürooti. Er hett denn as König öber Messenie gherrscht.

Di ältisti bikannte Version vo de Saag stamm vom Euripides. Denoo hend d Merope und de Kresphontes e Bueb ghaa, wo wie de Vatter Kresphontes ghaisse hett. D Merope hett de haimlich zomene Fründ uf Ätolie broocht, woner uufzoge woren isch. De Polyphontes hett e Chopfgeld uf de Bueb uusgsetzt. Woner as junge Maa uf Messenie choo isch, hett d Merope en nöd erchennt und en fast töödt, well si gmaint het, er wöli er Soo em Polyphontes verroote. Im letschte Moment erchennt si en dochno und d Merope und de Kresphontes junior töötet de Polyphontes.

I de spöötere Version haisst de Soo Aipytos, wie de Groossvatter vo de Merope. Er wachst drum z Arkadie bim Kypselos uuf, wo de Vatter vo de Merope isch. Nochdem er sich am Polyphontes gräächt hett, isch er denn König vo Messenie wore.

Quelle[ändere | Quälltäxt bearbeite]

Literatur[ändere | Quälltäxt bearbeite]

  • Henning Börm: Polyphontes. In: Der Neue Pauly (DNP). Band 10, Metzler, Stuttgart 2001, ISBN 3-476-01480-0, Sp. 77.