Aphareus

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Aphareus (altgriechἈφαρεύς) isch i de griechischen Mythologie e König vo Messenie

De Aphareus isch de Soo vom Perieres und vo de Gorgophone. Er hett sini Halbschwöster Arene ghüroote, e Töchter vo de Gorgophone und em spartanische König Oibalos. Sini Chind sind d Zwilling Idas und Lynkeus, en andere Soo isch de Peisos. De Aphareus hett e noji Stadt gründet und die noch sinnere Frau Arene gnennt.

Wo de Neleus zom Perieres choo isch, well er vo sim Brüeder Pelias vertribe woren isch, do hettem de Aphareus e Chüstestraiffe ggee, well er mitem verwandt gsii isch. O de Lykos isch zom Aphareus choo und de isch vo sim Brüeder Aigeus us Athen vertribe wore. De Lykos hett z Andania d Myste grainigt und de Aphareus und d Arene und dene sini Chind i d Mysterie vo de Groosse Göttine iigwiicht. Und wo de Tyndareos vo sim Halbbrüeder Hippokoon us Sparta vertribe woren isch, hett de Aphareus de ono bi sich uufgnoo. S Graab vom Aphareus isch z Sparta zaiget wore.

Quelle[ändere | Quälltäxt bearbeite]

Literatur[ändere | Quälltäxt bearbeite]

  • W. H. Roscher: Aphareus 1). In: Wilhelm Heinrich Roscher (Hrsg.): Ausführliches Lexikon der griechischen und römischen Mythologie. Band 1,1, Leipzig 1886, Sp. 388 f. (Digitalisat).
  • Fritz Graf: Aphareus. In: Der Neue Pauly (DNP). Band 1, Metzler, Stuttgart 1996, ISBN 3-476-01471-1.
  • Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Aphareus, S. 57f.