Augscht
| Augst | |
|---|---|
 | |
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Liestal |
| BFS-Nr.: | 2822 |
| Poschtleitzahl: | 4302 |
| UN/LOCODE: | CH AGT |
| Koordinate: | 620645 / 264966 |
| Höchi: | 275 m ü. M. |
| Flächi: | 1.64 km² |
| Iiwohner: | 1057 (31. Dezämber 2022)[1] |
| Website: | www.augst.ch |
| Charte | |
 | |
| Dialäkt: Baseldytsch |
Augscht (usgsproche [aʊ̯ɡ̥ʃd̥], hochdütsch Augst) isch e politischi Gmeind im Bezirk Lieschtel vom Kanton Basel-Landschaft in dr Schwiiz. D Gmeind isch friener Baselaugscht gnennt worde, um sie vo Kaiseraugscht kenne z'unterscheide, wo friener zu Vorderöschtriich gheert hett.
Lag
[ändere | Quälltäxt bearbeite]Augscht ligt uf 275 m. ü. M. am nordeschtlige Ändi vom Baselbiet a dr Myndig vo dr Ergolz in Rhy. Nochbergmeinde sin Brattele, Füllschdrf, Giibenech und s aargauische Kaiseraugscht.
Wappe
[ändere | Quälltäxt bearbeite]S Wappe ziert e silberne Laiekopf mit goldiger Zunge und goldiger Chrone uff rotem Grund. Das isch s Wappe vo de Edelknächt Pfirter vo Lieschtel gsi, wo im 14. Joorhundert dr Bruggezoll a dr Ergolz bi Augscht yyzoge hän.
Gschicht
[ändere | Quälltäxt bearbeite]Dr Name Augscht goot uff d' Reemerstadt Augusta Raurica zrugg, wo vom 1. bis ins 3. Joorhundert uff em Terrassesporn zwysche Ergolz und Violebach gläge isch.
Im Mittelalter hett sich denn a dr Ergolzbrugg, wo sich dr Zoll und e Mihli befunde hän, d Siidlig Augscht bildet. Im 14. Joorhundert isch Augscht trennt worde und s Dorf uff dr rächte Sitte vom Violebach isch zämme mit dr Herrschaft Rhyfälde zu Öschtriich cho und vo do a Kaiseraugscht gnennt worde. Dr Teil links vom Bach isch 1461 zämme mit dr Herrschaft Farnsburg in dr Bsitz vo dr Stadt Basel ko und isch druffabe Augscht oder Baselaugscht gennt worde.
Sehenswürdigkeite
[ändere | Quälltäxt bearbeite]
Uff em Gmeinigebiet vo Augscht und Kaiseraugscht (AG) liige d Ruine vo dr Reemerstadt Augusta Raurica. Uff emene Rundgang durchs witläufige Areal trifft me uff e Theater, e Amphitheater, Tämpel, s Forum, Bäderalage mit Wasserleitig, en Töpferofe, Überräscht vonere Hypokaustheizig, d Stadtmuure, e Grabmool und vieles mee.
Imene Tierpark wärde Tierarte ghalte, wo zur Zyt vo de Reemer typischg gsi sin. Im Reemermuseum - enere nochbaute reemische Villa - wird unter anderem dr grossi Silberschatz zaigt, wo 1961 bi Bauarbete freiglegt und unter abentyrlige Umständ borge worde isch.
Literatur
[ändere | Quälltäxt bearbeite]- Hans-Rudolf Heyer: Die Kunstdenkmäler des Kantons Basel-Landschaft, Band II: Der Bezirk Liestal. Hrsg. von der Gesellschaft für Schweizerische Kunstgeschichte GSK. Bern 1974 (Kunstdenkmäler der Schweiz Band 62). ISBN 3-7643-0727-7. S. 5–24.
- René Salathé u. a.: Augst und Kaiseraugst: Zwei Dörfer – eine Geschichte. 2 Bände. Verlag des Kantons Basel-Landschaft, Liestal 2007.
Weblink
[ändere | Quälltäxt bearbeite]
Commons: Augst – Sammlig vo Multimediadateie- Offizielli Website (vom Kanton betreut)
- Antonia Schmidlin: Augscht. In: Historisches Lexikon vo dr Schwiiz.
- Römerstadt Augusta Raurica
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
|
Dä Artikel basiert uff ere fräie Übersetzig vum Artikel „Augst“ vu de dütsche Wikipedia. E Liste vu de Autore un Versione isch do z finde. |