3. Johrhundert

Us der alemannische Wikipedia, der freie Dialäkt-Enzyklopedy

| 1. Jh. | 2. Jh. | 3. Jahrhundert | 4. Jh. | 5. Jh. |
200er | 210er | 220er | 230er | 240er | 250er | 260er | 270er | 280er | 290er

S 3. Johrhundert hät am 1. Januar 201 agfange und am 31. Dezämber 299 uffghört.

Es ghört zu de Spotantike.

Zitalter/Epoche[ändere | Quälltäxt bearbeite]

  • Mit Alexandria als Usgangspunkt findet e Renaissance in de griechische Philosophy und Mathematik statt (Neuplatonismus).
  • D Pyramide vo de Maya sin z Mittelamerika de Afang vo-n-re Monumentalbaute-Epoche.
  • S Römisch Rych wird vo 235 bis 285 vo de „Soldatekaiser“ regiert. Sälli sin meistens wäge Usurpatione vo de Legione zum Kaiser usgrüefe worre und hän oft numme e baar Monet regiert. Die Phase in de römische Gschicht nännt mer au d Zit vo de Rychskrise.
  • S Christetum cha sich behaupte, obwohls üsseri Widerniss git.
  • Z Perse wird s Sassanide-Rych gründet.
  • Z Japan werre d Chirch und de Staat drännt (Säkularisierig).
  • China isch vo 220 bis 280 deilt: Sälli Zit vo de drei Rych wird vom Kaiser Wu vo Jin beändet.

Ereigniss und Entwicklige[ändere | Quälltäxt bearbeite]

  • Sit em Johr 231 gits mehreri Mol Chämpf zwüsche de Sassanide und Rom (Römisch-Persischi Chrieg).
  • D Gebiet östlig vom Rhy nördlig vom Bodesee und westlig vo de Iller (öbbe an de Gränze vom hüttige Bade-Württebärg), wo bis dörtane römisch gsi sin, chömme dauerhaft an d Germane.
  • 262 zerstöre d Gote de Artemis-Dämpel vo Ephesos, eins vo de sybe Wältwunder vo de Antike.
  • 267 blündere germanischi Heruler Athen.

Erfindige und Entdeckige[ändere | Quälltäxt bearbeite]

  • 216 – De Kaiser Caracalla beändet noch zäh Johr de Bau vo de Caracalla-Therme, de gröschte öffentlige Badalag vo Rom.
  • ~230 – De Claudius Aelianis beschribt d'Betäubigswirkig vom Zitterroche (Elektrizität).
  • ~260 – Z Skandinavie werre Schlittschüeh mit Ysekufe benutzt.
  • 284 – Z Alexandria wird di Diokletianischi Ziträchnig ygfiehrt, wo dört afangt, wo de Kaiser Diokletian uff de Thron stigt, und spöter vo de christlige Kopte übernomme wird.
  • ~290 – De Pappos vo Alexandria entwickelt d'Formle zur Berächnig vo Ruuminhalt und Oberflächi vo Rotationskörper. Mer nännt si spöter Guldinschi Regle.


Dä Artikel basiert uff ere fräie Übersetzig vum Artikel „3._Jahrhundert“ vu de dütsche Wikipedia. E Liste vu de Autore un Versione isch do z finde.