Bezirk Lieschtel

Us der alemannische Wikipedia, der freie Dialäkt-Enzyklopedy
(Witergleitet vun Liestal (Bezirk))
Dialäkt: Baseldytsch
Bezirk Lieschtel

Dr Bezirk Lieschtel isch e Verwaltigseinheit im Kanton Basel-Landschaft (Baselbiet) mit dr Hauptstadt Lieschtel, wo au Kantonshauptstadt isch.

Dr Bezirk Lieschtel liggt in dr Mitti vo de ybrige vier Bezirk vom Baselbiet und isch drumm zentral gläge. D Gmeinde vom Bezirk Lieschtel wärde normalerwyys no zem Oberbaselbiet grächnet (wie d Bezirk Waldeburg und Sissach). Dr Bezirk Lieschtel gränzt im Norde an Dytschland (Landkreis Lörrach, Bade-Wyrttebärg), im Nordoschte an Kanton Aargau (Bezirk Rhyfälde), im Oschte an Bezirk Sissech, im Süde an Bezirk Waldeburg, im Weschte an Kanton Soledurn (Bezirk Dorneck) und im Nordweschte an Bezirk Arlise. Är isch dodrmit nur mit em Bezirk Laufe nid verbunde. Dä hett aber no bis Aafang vo de 1990er Joor zum Kanton Bärn gheert.

Dr Bezirk Lieschtel isch noch Arlise dr noch Yywooner (56'388 Ändi 2006) zweitgröscht und zweitiflussriichscht Bezirk vom Kanton.

D Gemeinde vom Bezirk sin noch Lieschtel usgrichtet (Brattele und Augscht, wo mängisch au zu Unrächt zem Unterbaselbiet zellt wärde, au noch Basel). Lieschtel als Kantonshauptstadt isch au dr wichtigscht Ort im Bezirk. Lieschtel isch au flechemessig am greeschte. Am meischte Mensche wohne syt em Baubuum vo de 1970er Joor in Brattele, dr üsserschte Agglomerationsgmeind vo Basel. An 2. Stell kunnt denn Lieschtel.

Dr Bezirk isch seer unterschiidlig prägt: In Brattele und Augscht dominiere Industrie und Woonsiidlige, Lieschtel mit sinere Agglomeration (Fränkedef, Füllschdrf, Lause, Buebedorf, Sältisbärg) mit faschd 30'000 Iiwohner isch stedtisch prägt, in de andere Gmeinde herrscht e ländligs Bild vor.

Politischi Gmainde[ändere | Quälltäxt bearbeite]

D Raiefolg vo de Gmainde richtet sich noch dr hochdytsche Schryybwyys.

Wappe Name vor Gmaind Yywooner
(31. Dez. 2013)
Flechi
in km²
BFS-Nr
Arisdorf Aschdrf 1614 9,99 2821
Augst Augscht 858 1,64 2822
Bubendorf Buebedorf 4414 10,81 2823
Frenkendorf Fränkedef 6394 4,58 2824
Füllinsdorf Füllschdrf 4331 4,62 2825
Giebenach Giibenech 1068 1,32 2826
Hersberg Herschbrg 330 1,67 2827
Lausen Lause 4996 5,56 2828
Liestal Lieschtel 13'807 18,21 2829
Lupsingen Lupsige 1370 3,12 2830
Pratteln Brattele 15'323 10,70 2831
Ramlinsburg Ramschbrg 687 2,24 2832
Seltisberg Sältisbärg 1292 3,57 2833
Ziefen Ziefe 1577 7,80 2834
Total (14) 58'061 85,83 1303

Weblingg[ändere | Quälltäxt bearbeite]

 Commons: Bezirk Lieschtel – Sammlig vo Multimediadateie