(951) Gaspra

Us der alemannische Wikipedia, der freie Dialäkt-Enzyklopedy
Dä Artikel behandlet dr Asteroid Gaspra. Zum gliichnammige Ort uf dr Krim lueg Gaspra (Krim).
(951) Gaspra
Asteroid Gaspra
Asteroid Gaspra
Eigeschafte vum Orbit
Orbittyp Hauptgürtelasteroid
Grossi Halbax 2,2097 AE
Perihel; Aphel 1,8255; 2,8340 AE
Exzentrizität 0,1793
Neigig vu dr Bahnebeni 13,7307 °
Siderischi Umlaufzitt 3,285 a
Middleri Bahngschwindigkeit 18,19 km/s
Physikalischi Eigeschafte
Durmesser 9 × 12 × 11 km
Masse 1015 kg
Middleri Dichti ? g/cm3
Rotationsperiode 7,042 h
Albedo ?
Absoluti Helligkeit 11,496
Spektralklasse S
Gschichte
Entdecker G. N. Neuimin
Datum vu dr Entdeckig 30. Juli 1916
Älderi Bezeichnig 1916 S45, 1955 SM1, A913 YA
Dialäkt: Markgräflerisch (Ebringe)

D' (951) Gaspra isch e Asteroid ussem Asteroide-Hauptgürtel, wo am 30. Juli 1916 vum ukrainische Astronom G. N. Neuimin (Григорий Николаевич Неуймин) entdeckt worre isch. Daift worre isch Gaspra nooch eme Urlaubsort auf dr Krim, wo dr russisch Schriftsteller Leo Tolstoi längeri Zitt gläbt het.

Gaspra beweggt sich ime Abstand vu 1,8256 (Perihel) bis 2,5939 (Aphel) astronomische Eiheite, in 3,285 Johre um d'Sunne. D'Bahn isch 4,1016° gege d'Ekliptik gneigt, d'Bahnexzentrizität betrait 0,1739.

Gaspra isch am 29. Oktober 1991 vu dr Ruumsonde Galileo (daift uf dr Galileo Galilei) bi eme Vorbiflueg-Manœuver (engl. near-fly by) us ere Entfernig vu 16.200 km vermesse un photographiert worre.

Demit isch d'Galileo-Mission die erst vu ihrer Art gsi, wo dur e sonigs Manœuver Informatione iber e Asteroid gsammlet het.

Es het sich zeigt, dass Gaspra e uregelmässig gformte Asteroid mit Abmessige vu 19 × 12 × 11 Kilometer isch. D'Oberflächi isch vu zahlriiche Ischlagskrater ybersait. Dur Messig vu dr Grössi un Verdeilig vu dr Krater wird s'Alder vu Gaspra uf 200 Millione Johre gschätzt. Säll isch, gmesse am 4,5 Milliarde Johr alde Sunnesystem, e grings Alder. Gaspra dürft doher e Bruchstuck vume grössere Ursprungskörper si, wo vor 200 Millione Johre bi ere Kollision usenander grisse worre isch. D'Masse vu Gaspra isch zue 1015 kg bestimmt worre. D' Rotationsperiode betrait 7 Stunde un 3 Minüte. Ufgrund vu sinere Oberflächebeschaffeheit wird dr Asteroid dr Spektralklasse S zuegordnet.

Weblink[ändere | Quälltäxt bearbeite]

Orbitsimulation (Java Applet) (Site cha nüme abgrüeft wärde; Suche im Webarchiv)[1] [2] Vorlage:Toter Link/neo.jpl.nasa.gov

Lueg au[ändere | Quälltäxt bearbeite]

Dä Artikel basiert uff ere fräie Übersetzig vum Artikel „(951)_Gaspra“ vu de dütsche Wikipedia. E Liste vu de Autore un Versione isch do z finde.