Bahnnaigig

Us der alemannische Wikipedia, der freie Dialäkt-Enzyklopedy
A – Objekt
B – Zentralobjekt
C – Referenzebeni
D – Orbitalebeni
i – Inklination

D' Bahnnaigig oder Inklination vume Himmelskörper isch de Winkel zwische sinere Bahnebeni un ere Referenzebeni. Fer die wird im Sunnesystem maistens d'Ebeni vu de Erdbahn (Ekliptik) gwählt, wo d'Umlaufbahne vu de große Planete un vum Mond vun ere bloß um ainigi Grad abwiiche.

Fer Erdsatellite wählt mer als Referenz die middler Äquatorebeni vu de Erde, ebeso au fer die Bahnbwegig vu Doppelstern. Si wird bi dene maistens als Positionswinkel vu de große Bahnax relativ zum "Himmelskoordinatesystem" (RA, δ) agä.

D'Bahnnaigig isch ains vu de sex Bahnelement vu de klassische Bahnbstimmig un wird fast immer mit i (fer Inklination) bezaichnet. Im Fall vu Keplerbahne (bloß zwai Himmelskörper im Vakuum) isch si konstant un d'Bahnebeni blibt in ihrer Usrichtig under de Fixstern stabil.

Bi gravitative Störige dur "dritti Körper" erliidet d'Bahnnaigig chlaini Änderige, wo dailwiis periodisch si.

Dä Artikel basiert uff ere fräie Übersetzig vum Artikel „Bahnneigung“ vu de dütsche Wikipedia. E Liste vu de Autore un Versione isch do z finde.