(50000) Quaoar

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel beschäftigt sich mit de mythische Gstalt Quaoar, anderi Bedütige vu dem Begriff findener under Quaoar


(50000) Quaoar
Quaoar.jpg
Eigeschafte vum Orbit
Orbittyp Kuipergürtel-Objekt
Grossi Halbax 43,405 AE
Perihel; Aphel 41,914; 44,896 AE
Exzentrizität 0,034
Neigig vu dr Bahnebeni 7,983 °
Siderischi Umlaufzitt 285 a 354 d 7 h
Middleri Bahngschwindigkeit 4,52 km/s km/s
Physikalischi Eigeschafte
Durmesser 890 ± 70 km
Masse 1,3-1,9×1021 kg
Middleri Dichti 4,2 ± 1,3 g/cm3
Rotationsperiode
Albedo 0,10
Absoluti Helligkeit 2,613
Spektralklasse
Gschichte
Entdecker Chad Trujillo,
Mike Brown
Datum vu dr Entdeckig 4. Juni 2002
Älderi Bezeichnig 2002 LM60
Dialäkt: Markgräflerisch (Ebringe)

(50000) Quaoar isch dr Namme vume Transneptunische Objekt im Kuipergürtel. Bevor er dr Namme Quaoar erhalde het, isch er under dr vorläufige Bezeichnig 2002 LM60 gfüehrt worre. Entdeckt worre isch dr Asteroid am 4. Juni 2002 vu dr Astronome Chad Trujillo un Mike Brown am California Institute of Technology z'Pasadena, USA wo ihn au daift hän. Dr Namme Quaoar (gsproche „kwah-o-wahr“) entstammt im Schöpfigsmythos vu dr nordamerikanische Tongva-Indianer, wo in dr Gegend um Los Angeles läbe. Die Internationale Astronomische Union (IAU) het die Nammensgäbig middlerwili offiziell bestätigt.

Dr Quaaor entspricht alle Kriterie vu dr Kategori Zwergplanet in dr am 24. August 2006 vu dr Internationale Astronomische Union verabschidete nöie Systematik vu dr Himmelskörper im Sunnesystem. Allerdings isch dert noch dr Systematisierigsprozess no nit agloffe.

Eigeschafte[ändere | Quälltäxt bearbeite]

Im Quaoar si Durmesser isch afänglich uf 1250 ± 50 km bestimmt worre. Dömit het er, bis zue dr Entdeckig vum 90482 Orcus un vu dr 90377 Sedna, s'gröscht sitem Pluto entdeckt Objekt im Sunnesystem gulte. Middlerwil isch, nit z'ledscht wäge dr Entdeckig vu eme Mond, dr Durmesser uf guet 900 km korrigiert worre, was in dr Grössi vum Zwergplanet Ceres entspräch. Wäge dr höchere Dichti isch dr Quaoar aber massiver wie dr Zwergplanet Nummer 1. Dr Quaoar umchreist d'Sunne in ere fast perfekte Chreisbahn in öppe 6 Milliarde Kilometer Entfernig (43 AE; Perihel 41,914 AE - Aphel 44,896 AE), wo 7,983° gege d'Ekliptik gnaigt isch. D'Umlaufdur betrait öppe 286 Johre.

Mond[ändere | Quälltäxt bearbeite]

Im Februar 2007 het e Team um dr Mike Brown d'Entdeckig vu eme Mo mit chnapp 100 km Durchmesser bechannt gä, wo uf 2006 erstellte Ufnahme entdeckt worre sei. Sälle Mond het middlerwil uf dr Namme Weywot daift (in Langform: Weywot (Quaoar I). [1]

Gschichte[ändere | Quälltäxt bearbeite]

Dr Asteroid isch scho anno 1982 vum Astronom Charles Kowal photographiert, aber nit als soniger identifiziert worre.

Im Dezember 2004 isch mit em japanische 8-m-Teleskop Subaru dr Noochwiis vu kristallinem Wasseriis un au Ammoniakhydrat in dr Oberflächi vum Quaoar glunge. Säll isch sehr yberraschend, wil mer bi ere Oberflächetemperatur vu 50 Kelvin eigentlich bloss amorphs Iis ohni Kristallstruktur vermuete dät. Es sin Temperature bis zue 110 Kelvin notwendig, um dr Prozess z'erchläre. Numme wird vermuetet, dass sich im Innere vu Quaoar noch gnüegend Radioaktivitätswärmi befindet, um die Temperature z'erzüge. Es entstot debi e Art Kryovulkanismus, wie au uffem Triton oder Enceladus.

Sichtbarkait[ändere | Quälltäxt bearbeite]

Amateurastronome benötige fer d'Beobachtig die gnaue Koordinate, e 40-Zentimeter-Teleskop sowie fer d'Dokumentation e Kamera. Uf Ufnahme vu hinderenander folgende Nächte isch dr Asteroid as e langsam wandernde Punkt z'erchenne.

Suschtigs[ändere | Quälltäxt bearbeite]

Einigi Fans vum Roman Per Anhalter dur d'Galaxis hän sich vergäblich defür igsetzt, de domols noch as 2002 LM60 bechannt Himmelskörper Rupert z'nenne, as Hommage an dr Douglas Adams, dr Autor vum Buech (Im Roman isch Rupert de Spitznamme fer de fiktive 10. Planet Persephone).

Lueg au[ändere | Quälltäxt bearbeite]

Weblink/Quelle[ändere | Quälltäxt bearbeite]

  1. Asteroids with Satellites - (50000) Quaoar


Solar System XXVII.png

Sunne      Planete: Merkur | Venus | Erde | Mars | Jupiter | Saturn | Uranus | Neptun
Anders: Asteroid | Asteroidegürtel | Zwergplanete | Komete | Kuipergürtel | Oort'schi Wolke

Dä Artikel basiert uff ere fräie Übersetzig vum Artikel „(50000)_Quaoar“ vu de dütsche Wikipedia.

E Liste vu de Autore un Versione isch do z finde.