Merkur (Planet)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Merkur

Dr Merkur Astronomical symbol of mercury isch dr chlinscht und dr sunnenöchscht Planet vum Sunnesyschtem. Er isch weg sinre Grössi und dr chemisch Zämesetzig en erdähnliche Planet. Sin Durmesser isch 4'878 Kilometr (öppe 40 % vur Erde). Im Perihel isch dr Merkuur 45,9 Millione Kilometer vur Sunne entfernt, durschnittli umkreist er dSunne mitre Entfernig vu 57,9 Millione Kilometer. Für sini Umchreisig brucht er 58,6 Tääg, dr Abschtand zwüsche Sunneufgang und Sunneufgang isch abr 175,9 Tääg lang. Er isch mit dr Venus eine vude einzige mondlose Planete. Es git e Theorie, wo meint, dr Merkur segg en Mond vur Venus male xi und segg vu ihre abgwiche.

Uufbau[ändere | Quälltäxt bearbeite]

Üssere Ufbau[ändere | Quälltäxt bearbeite]

D`Atmosphäri vum Merkur isch nid so usprägt, wie zum Biispil uf dr Erde. Will dr Merkur e schwachi Ahzüchigskraft hett (und drzue dr Druck am Bode nid mal ei Milliardschtel Bar entspricht), chame bir Atmosphäri vum Merkur nid vunre eigentliche Atmosphäri rede, wie mes vu anderne Spährene kennt. Di Gashüll bestaht us Wassrstoff, Helium, Kalium, Natrium und Suurstoff. Weg dr schwache Ahzüchigskraft bliibet di Molekül nid lang ufm Merkur sondern entflüchet ins All. Und weg dere drum entstehende vakuumartige Umgäbig gits ufm Merkuur grossi Temperaturunterschied: Am Tag misst me 460° C, uf dr Sunne abgwändete Syte -183° C.

1. Chruschte 100-200 km
2. Mantel 600 km
3. Chern 1'800 km Radius

D`Oberflächi wyst sehr viil Kratr uuf, will'd Meteoride unghindert in dr Merkur flüge chönd, ohni ir Atmosphäri verglüht zsy. Dr gröscht Teil vum Merkuur isch überseiyt mit dunklem Gstei, so dass dr Planet nur wenig Sunneliecht reflektiert; en Grund, wiso me ne nid guet vur Erde uus xeht.

Me vermuetet, dass es ide Kratr ide polare Regione gfrohrenes Wasser geh chönnt, wo uf Grund dr Neigig vum Merkuur ewig im Schatte und drmit au ewig Yys sii chan.

Innere Ufbau[ändere | Quälltäxt bearbeite]

Dr gröscht Teil vum Innere, gnauer drüü viertel vum ganze Planet, isch wohl dr Chern, wo usem gröschte Teil us Yse und Nickel bestaht. Weg dem grosse und schwere Chern übertrifft dr Merkuur mehreri anderi Planete mit sinre Dichti. Dr Planet kennt kei Plattetekonik und vulkanischi Aktivitäte.

Weblink[ändere | Quälltäxt bearbeite]


Solar System XXVII.png

Sunne      Planete: Merkur | Venus | Erde | Mars | Jupiter | Saturn | Uranus | Neptun
Anders: Asteroid | Asteroidegürtel | Zwergplanete | Komete | Kuipergürtel | Oort'schi Wolke