Theoderich der Grosse

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Theoderich der Grosse, z Rom als Flavius Theodoricus, Gotisch Þiudareiks (454-526), isch en Herrscher vo de Oschtgote gsii.

De Theoderich het wie de Ermanarich zum Gschlecht vo de Amaler ghört und isch de Soo vom Theodemir gsii. Er isch in Konstantinopel uufgwachse, und hät, beufträit vom Zenon, em Kaiser vo Byzanz, ab 488 Italie eroberet. Er hät zeersch Verona erobered und deet es Schloss pouet. De Odoaker hät müese-n-uf Ravenna flüchte. De Dietrich hät dänn hät zwei Jaar lang Ravenna belageret, und hädnach de Rabeschlacht vo 493 en Vergliich mitem Odoaker uusghandlet, hät dee aber bimene "Versöönigsmahl" äigehändig töödt, und sich zum König vo ganz Italie uufgschwunge, und hät vo deetenaa in Ravenna residiert. Als Verträter vom Amalrich, sim unmündige-n-Änkel, isch er ab 511 au Herrscher vo de Weschtgote gsii.

S Grab vom Theoderich z Ravenna.

Nach der Eroberig vo Italie sind d'Franke underem Chlodwig I die wichtigschte Gägner vo de Oschtgote gsii. Nachem Tod vom Dietrich 526 isch mit den Oschtgoten abwärts ggange: Abem 535i hät de Justitian I ires Gebiet erobere laa, und im 553i, nach de Niderlaag vom Teia gäge de Eunuche-General Narses bi de Schlacht vo Mons Lactarius isch s'Oschtgooteriich am Änd gsii (aaschlüüsend händ d'Langobarde in Norditalie regiert, bis si im 773i vom Karl em Grosse besiigt worde sind).

Dietrich vo Bern[ändere | Quälltäxt bearbeite]

Sin traditionelle Name ide Heldesaag isch "Dietrich vo Bern" und chunt vo Verona, also am Dietrich sinere Residänz vo 490 bis 493. Under dem Name taucht er dänn au als legendäri Figur ide hochmittelalterliche Literatur uuf, zum Biischpiil im Nibelungelied.

Noch de tütsche Heldesaag werd de Dietrîch von Berne, wo im nördliche Italie regiert, vo sim Onkel Ermenrîch vertribe und wiilt 30 Joor am Hof vom Hunnekönich Etzele. Sin troiste Biglaiter isch de Hildebrant. Usem Hildebrandslied isch aber z schlüüsse, as i de ältere Saag de Dietrich vom Ôtachar vertribe woren isch. Im End cheert de Dietrîch miteme Heer vom Etzele zrugg und bisigt sin Onkel i merere Schlachte. I de Edda spillt de Thjodrekr (an. Þjóðrekr) nu e Neberolle.

Weblink[ändere | Quälltäxt bearbeite]

 Allmänd (Commons): Theoderich der Grosse – Sammlig vo witere Multimediadateie