Arianismus

Us der alemannische Wikipedia, der freie Dialäkt-Enzyklopedy

Dr Arianismus isch e theologischi Lehr, wo ihre Name vom e früehje Verträter von ere, em Arius, übercho het.

Im Beriich vo dr Christologii stoht si im Gegensatz zur Trinitätslehr und wird von de christlige Chillene und Glaubensgmeinschafte, wo die erste beide ökumenische Konzil anerkenne, as Häresii agluegt.

In dr Spotantike isch d Bezeichnig „Arianer“ au hüfig as Kampfbegriff vo de Ahänger vom Konzil vo Nicäa bruucht worde, ohni dass die Lüt, wo so bezeichnet worde si, unbedingt d Lehr vom Arius verträte hätte. Vili Althistoriker beschränke dorum hüt dr Usdruck „Arianer“ uf die unmittelbare Ahänger vom Arius und bruuche sust dr neutraleri Usdruck Homöer.

Vili vo de germanische Stämm si, wo si no im Oste vo Europa gläbt hai, zum Arianismus bekehrt worde und dr gotisch-arianisch Bischof Wulfila het d Bible uf Gotisch übersetzt. D Germane hai aber spöter under em Iifluss vo de autochthone katholische Völker, wo si underworfe hai in Middel- und Westeuropa, dr katholisch Glaube agnoh. Im Langobarderiich z Italie isch das offiziell 662 under em König Grimoald bassiert. In Nordafrika het s Trinitarier und Arianer bis zur Eroberig vo de Araber ge und wohrschiinlig au im spanische Westgoteriich.

[ändere] Lueg au

• Audianismus