Schloss Hallwyl

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Schlossaalag
Schloss Hallwyl

S Schloss Hallwyl isch es Schloss im Schwiizer Kanton Aargau. Es ligt am nördliche Endi vom Hallwilersee uf zwei Insle, wo de Aabach derte duet bilde. S ghört zum Gmeindsbann vo Seengen und isch ursprünglich de Sitz vo der Herre vo Hallwyl gsi. Sit em 1994 isch s Schloss im Bsitz vom Kanton.

Gschicht[ändere | Quälltäxt bearbeite]

D Ursprüng vom Schloss Hallwyl liget im 12. Johrhundert, wo d Hallwyler sich hei en Wohnturm laa baue, öppe 700 Meter ewäg vom Ufer vom Hallwilersee. Ums Johr 1265 umme isch der Wohnturm mit eme Palas erwiteret worde, wo im Parterre Vorratsrüüm gha het und in de beide Etage drüber Wohnrüüm. Im 14. Johrhundert het de domolig Schlossherr, de Johann I. (1305-1348) sini Burg zu eme zweiteilige Wasserschloss laa usbaue. Uf drü Site het d Burg e Ringmuur übercho und uf allne Siie hets en Wassergrabe gäh. Au de Rundturm, wo's hüt o git, isch in dere zit entschtande. Nach em Brand vo 1415, wo d Bärner bi de Eroberig vom Aargau in de Burg glägt hei, isch si wider uf- und umbaut worde und au in de Ziit zwüschem 1500i und 1520i isch d Burg erwiteret und umbaut worde. De Burkhard III. (1535-1598) het dann defür gsorget, dass d Burg zu eme repräsentative Schloss umbaut worde-n-isch. Sit em 1925 isch s Schloss öffentlich zugänglich und ghört hüt zum Museum Aargau.

Weblink[ändere | Quälltäxt bearbeite]

 Allmänd (Commons): Schloss Hallwyl – Sammlig vo witere Multimediadateie