Festung Aarburg

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Festig Aarburg
Festig Aarburg

Festig Aarburg

Entstehigsziit: 1123
Burgetyp: Spornburg
Erhaltigszuestand: erhalte
Ort: Aarburg
Geografischi Lag 47° 19′ 17,9″ N, 7° 54′ 3,4″ O47.3216416666677.9009333333333405Koordinaten: 47° 19′ 17,9″ N, 7° 54′ 3,4″ O; CH1903: 634951 / 241300
Höchi: 405 m
Festig Aarburg (Schweiz)
Festig Aarburg

D Festig Aarburg isch e mächtigi Festigsalag im Südweste vom Kanton Aargau in dr Schwiiz. Si befindet sich hoch über em Stedtli Aarburg uf eme steile Felssporn. D Festung isch us ere mittelalterlige Burg entstande, wo d Ängstell an dr Aare kontrolliert het und het as Sitz vom Aarburger Landvogt dient. Si isch as Kulturgut vo nationaler Bedütig iigestueft. Hüte befindet sich in dr Festig s Kantonale Jugendheim, wo Jugendligi, won e Jugendstrof abbüesse, verwahrt wärde.

Gebäud[ändere | Quälltäxt bearbeite]

Uf em schmale, lang gstreckte Fälsgroot stöhn dr Bärgfriid und dr Palas wo dr Chärn vo dr Alage bilde. Beidi Gebäud si vom Afang vom 13. Johrhundert. Dr Bärgfriid, wo 3 bis 3,5 Meter dicki Muure het, bestoht vollständig us Chalchstei; dr underst Stock isch us em Felse useghaue worde. S zältartige Satteldach isch 1557 ufgsetzt worde. Au d Muure vom Palas bestöhn us Chalchstei. 1621/22 isch uf dr Südsiite e zuesätzlige Wohndrakt mit eme Stägedurm abaut worde. An dr Nordost- und Westsiite befinde sich monumentali Befestigungsbauwärk. An dr Südostsiite isch dr Zälledrakt vo dr Zwangserziehigsastalt für Jugendligi us em 19. Johrhundert gsi, wo 1954/55 mit eme Wohnhuus für d Erziehigsastalt ersetzt worden isch, wo sich harmonisch in die historischi Bausubstanz iifüegt.


Dä Artikel basiert uff ere fräie Übersetzig vu dere Version vum Artikel „Festung_Aarburg“ vu de dütsche Wikipedia.

E Liste vu de Autore un Versione isch do z finde.