Schloss Lenzburg

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schloss Länzbrg
Schloss Länzbrg, vo Südoschte her gseh

Schloss Länzbrg, vo Südoschte her gseh

Entstehigsziit: 11. Johrhundert oder früehner
Burgetyp: Höheburg
Erhaltigszuestand: Erhalte
Ort: Länzbrg
Geografischi Lag 47° 23′ 15″ N, 8° 11′ 8″ O47.38758.1855555555556504Koordinaten: 47° 23′ 15″ N, 8° 11′ 8″ O; CH1903: 656398 / 248787
Höchi: 504 m
Schloss Länzbrg (Schweiz)
Schloss Länzbrg

S Schloss Länzbrg isch es Schloss oberhalb vo de Stadt Länzbrg im Schwiizer Kanton Aargau. Es isch eini vo de eltischte und bedütendschte Höheburge vo dr Schwiiz.

Gschicht[ändere | Quälltäxt bearbeite]

Burg vo de Grafe vo Länzbrg[ändere | Quälltäxt bearbeite]

S erscht mol erwähnt wird d Burg im Johr 1077. Si isch de Sitz vo de Grafe vo Länzbrg gsi und het us zwei Türm un em Palas bschtande. Als de letscht Graf vo Länzbrg, de Ulrich IV. 1173 gschtorbe isch, hei zerscht d Staufer un schpöter d Kyburger de Bsitz übernoh.

Burg im Bsitz vo de Habsbrger[ändere | Quälltäxt bearbeite]

Als de Kyburger Graf Hartmann im Johr 1263/64 gschtorbe isch, het de Rudolf vo Habsbrg, wo schpöter König vom Römische Riich isch worde, nach de Erbin Anna vo Kyburg glueget. Durch iri Hüürat mit em Eberhard I. vo Habsbrg-Laufeburg isch d Burg 1273 i de Bsitz vo de Habsbrger cho.

Bärner Ziit[ändere | Quälltäxt bearbeite]

Als d Bärner im Johr 1415 de Aargau eroberet hei, isch au s Schloss Länzbrg in ire Bsitz übergange. Ab 1444 isch d'Burg Sitz vom Landvogt gsi. Me het 1460 Landvogtei bauet, um 1600 s Bärnerhuus (hüt: Stapferhuus) un ab 1625 hei d'Bärner s Schloss in e Feschtig umbauet. So isch di unter und mittleri Toraalag, d Oscht- un d Südbaschtion derzu cho un 1630 de Träppe- un 1659 de Uhreturm.

S Schloss im Kanton Aargau[ändere | Quälltäxt bearbeite]

Im Johr 1803 isch de Kanton Aargau gründt und dodermit s Schloss zu sim Bsitz worde. Me het d Aalage vo 1823 bis 1853 als Erzihigsinschtitut bruucht. Dann isch si 1860 in Privatbsitz übergange, bevor de Kanton Aargau si im Johr 1956 zruckkauft het. Hüt ghört s Schloss zum Museum Aargau.[1]

Literatur[ändere | Quälltäxt bearbeite]

  • Hans Dürst, Hans Weber: Schloss Lenzburg und Historisches Museum Aargau. AT Verlag, Aarau 1990. ISBN 3-85502-385-9
  • Jean-Jacques Siegrist, Hans Weber: Burgen, Schlösser und Landsitze im Aargau. AT Verlag, Aarau 1984. ISBN 3-85502-199-6
  • Michael Stettler, Emil Maurer: Die Kunstdenkmäler des Kantons Aargau, Bezirke Lenzburg und Brugg, S. 121-136. Birkhäuser Verlag, Basel 1953.
  • Fritz Stuber, Jürg Lang et al: Stadtbilduntersuchung Altstadt Lenzburg, Urbanistics, Zürich 1976, ISBN 3-85957-001-3, 168 S., 234 Abb.

Weblinks[ändere | Quälltäxt bearbeite]

 Allmänd (Commons): Schloss Länzbrg – Sammlig vo witere Multimediadateie

Einzelnochwiis[ändere | Quälltäxt bearbeite]

  1. Website vom Museum Aargau