Lombardei-Rundfahrt

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Lombardei-Rundfahrt, ital. Giro di Lombardia
Uusdragigsland Italien Italie
Uusdragigszytruum dritte Samschtig im Oktober
Ränntyp Eidagesränne
Organisator RCS
Erschti Uflag 1905
Erschte Siiger Flagge ItaliensITA Giovanni Gerbi
Rekordsiiger Flagge ItaliensITA Fausto Coppi (5 Siig)
Verlauf
Karte Lombardei-Rundfahrt, ital. Giro di Lombardia
   

D Lombardei-Rundfahrt (ital. „Giro di Lombardia”) isch draditionäll s letscht groß Radränne im Johr. S zellt zue dr fimf sognännte Monumänt vum Radsport. S italienisch Eidagesränne findet alljohr Mitti Oktober statt un isch dodermit s einzig „Monument“, wu nit im Friejohr uusdrait wird. S isch as eis vu zeh Ränne Deil vum Rad-Weltcup gsi, bis dää no dr Saison 2004 abgschafft woren isch, derno het s drej Johr zue dr nej grindetet UCI ProTour ghert, ere Serie vu dr wichtigschte Radränne vum Johr.

Gschicht[ändere | Quälltäxt bearbeite]

D Lombardei-Rundfahrt isch s erscht Mol anne 1905 durgfiert wore, aagregt dur dr italienisch Radrännfahrer Giovanni Gerbi, wu au di erscht Uusdragig gwunne het. Syt 1907 wird s Ränne organisiert vu dr wichtigschte Sportzytig vum Land, dr La Gazzetta dello Sport. Mit Uusnahm vu dr Johr 1943 un 1944, wu d Uusdragig wäg em 2. Wältchrieg uusgfallen isch, isch s „Ränne vu dr fliegige Bletter” alljohr durgfiert wore.

Rekordgwinner isch dr Fausto Coppi mit fimf Siig (dervu viermol in nochenander), viermol het dr Alfredo Binda gwunne. Dyschti Siiger het s bi dr Lombardei-Rundfahrt nonig gee, viermol isch dr Siiger e Schwyzer gsi: Tony Rominger (1989 un 1992), Pascal Richard (1993), Oscar Camenzind (1998).

Strecki[ändere | Quälltäxt bearbeite]

Au wänn d Strecki im Lauf vu Johr vilmol gänderet woren isch, bildet dr Ufstiig vu Bellagio zue dr Madonna del Ghisallo bi Magreglio draditionäll eis vu dr Haupthindernis vum Ränne, wu vilmol d Vorentscheidig gfallen isch, wel sich do Uusryssergruppe mit em spetere Siiger vu dr Rundfahrt bildet hän. Syt 2004 lyt s Ziil z Como am Stade vum Comer See. Im Lauf vu dr Gschicht het s vil Start- un Ziilort gee:

  • 1905-1961: vu Mailand uf Mailand
  • 1962-1984: vu Mailand uf Como
  • 1984-1989: vu Como uf Mailand (Piazza Duomo)
  • 1990-1994: vu Mailand uf Monza
  • 1995-2001: vu Varese uf Bergamo
  • 2002: vu Cantù uf Bergamo
  • 2003: vu Como uf Bergamo
  • 2004-2006: vu Mendrisio (CH) uf Como
  • 2007-2008: vu Varese uf Como

Siigerlischt[ändere | Quälltäxt bearbeite]

Piccolo Giro di Lombardia[ändere | Quälltäxt bearbeite]

Dr Piccolo Giro di Lombardia (alem. Chleini Lombardei-Rundfahrt) isch e Eidagesränne fir Amateur un U23-Fahrer.

Weblink[ändere | Quälltäxt bearbeite]