Flandern-Rundfahrt

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Flandern-Rundfahrt, fläm. De Ronde van Vlaanderen
Dr Roger De Vlaeminck am Koppenberg
Dr Roger De Vlaeminck am Koppenberg
Uusdragigsland Belgien Belgie
Uusdragigszytruum erschte Sunntig im April
Ränntyp Eidagesränne
Erschti Uflag 1913
Erschte Siiger Flagge BelgiensBEL Paul Deman
Rekordsiiger Je 3 Siig:

Flagge BelgiensBEL Achiel Buysse
Flagge ItaliensITA Fiorenzo Magni
Flagge BelgiensBEL Eric Leman
Flagge BelgiensBEL Johan Museeuw
Flagge SpaniensESP Marino Lejarreta

   

D Flandern-Rundfahrt („De Ronde van Vlaanderen“) isch s populärscht Eidagesränne z Belgie un zellt zue dr fimf sognännte Monumänt vum Radsport.

D „Ronde“ findet alljohr Aafangs April statt, genau ei Wuche vor Paris-Roubaix. S Ränne isch Deil vum Rad-Weltcup gsi, wu no dr Saison 2004 abgschaffte woren isch, un isch syter anne 2005 zue dr UCI ProTour, ere nej yygfierte Serie vu dr wichtigschte Radränne vum Johr.

Gschicht[ändere | Quälltäxt bearbeite]

S Eidagesränne dur dr flämisch Deil vu Belgie isch s erscht Mol anne 1913 durgfiert wore. Dr erscht Gwinner isch dr Belgier Paul Deman gsi. Ganz am Aafang isch s no wenig erfolgryych gsi. Noch eme Unterbruch dur dr Erscht Wältchrieg isch s in dr 20er un 30er Johr populärer wore. Derwylscht bis in d 50er Johr wäg em mangelhafte Stroßeuusböu z Flandern uugfehr d Helfti vu dr Strecki nit-asfaltierti Wäg gsi isch, git s hite s Probläm, ass es fascht keini Chopfsteibflaschterstreckine me git. Hite isch d „Ronde“ s wichtigscht Ränne z Flandern un zämme mit Lüttich-Bastogne-Lüttich un em Flèche Wallonne s wichtigscht z Belgie.

Spitzname vum Ränne isch Vlaanderens mooiste (s Schenscht vu Flandern). Di Hyffe vu flämische Aahänger mache d Ronde alljohr wider zum greschte Volksfescht vu Belgie. Z Oudenaarde git s e Museum zue dr Gschicht vu dr Rundfahrt.

Strecki[ändere | Quälltäxt bearbeite]

D Strecki vu dr Flandern-Rundfahrt änderet sich vu Johr zue Johr nume wenig. S Ränne fangt aa am Grote Markt z Brügge un blybt di erschte rund 150 km flach. Im zweete Deil vum rund 250 km lange Ränne fiert d Strecki dur di bielige sognännte „flämische Ardenne“, vilmol uf änge Wäg un iber churzi, gäächi Stich. Doderdur giltet s Ränne as dytli schwärer wie Paris-Roubaix. S Ziil lyt syt 1973 uf em Halsesteenweg z Meerbeke.

„Hellingen“[ändere | Quälltäxt bearbeite]

Wichtig fir dr Uusgang vum Ränne sin di zahlryyche Hellingen, churzi un giftigi Aastiig vu zmeischt nit meh wie 2 km Lengi un 60–80 m Hecheunterschiid, aber bis iber 20 Brozänt Gäächi, wu derzue zem große Deil nit asfaltiert sin. Am beriemteschte un gferchtetschte sin dr Oude Kwaremont, dr Koppenberg un churz vor em Änd d Muur vu Geraardsbergen mit Gäächine bis zue 20 %. In dr letschte Johr isch d Ronde iber sibzeh Helingen gange. S letscht Hindernis vu em Ziil isch dr Bosberg, rund zeh Kilometer vor em Ziil.

Vil „Hellingen“ wäre scho vor dr Flandern-Rundfahrt in e Hyffe andere flämische Friejohrsklassiker gfahre, z.B. bim Scheldepriis, em E3-Priis, dr Drej Däg vu De Panne oder em Omloop Het Nieuwsblad.

„Kasseien“[ändere | Quälltäxt bearbeite]

D „Kasseien“ (flämisch fir Chopfsteibflaschter) gehn bi dr Ronde regelmäßig zämme mit dr Hellingen, doderdur sin d Aastiig no schwäärer. Uusnahme bilde nume d Paddestraat un Mater, zwoo rund zwee Kilometer langi flachi Passasche uf Chopfsteibflaschter.

Dr Koppenberg isch vu 1988 bis 2003 us em Programm gnuu wore, wel dr Radfahrer Jesper Skibby uf em rutschige Chopfsteibflaschter uusgrutscht isch un fascht vum Jury-Auto iberfahre wore wär. Mittlerwyyli isch dr Stroßebelag vum Aastiig grindli iberholt wore un dr Berg isch in dr Saison 2006 wider Deil vu dr Strecki gsi. Wel bi dr 90. Flandern-Rundfahrt im Friejohr 2006 nume zeh Fahrer dää Aastiig uf em Rad uffe chuu sin un di andere s Rad hän mieße uffe schalte wäg dr Hyffe Stirz am „Chilchhof vu dr Ambitione“ un dodermit alli Siigschangse verlore gha hän, hän d Organisatore vum flämische „Monumänt“ bin ere Pressekonferänz Aafangs Novämber 2006 bekannt gee, ass dr Koppenberg bi dr Uusgab 2007 nimi gfahre wird.

Siiger[ändere | Quälltäxt bearbeite]

Je drej Siig bi dr Flandern-Rundfahrt hän dr Italiener Fiorenzo Magni, d Belgier Achiel Buysse, Eric Leman un Johan Museeuw un dr Schwyzer Fabian Cancellara ufzwyyse. Di einzige dytsche Siiger sin dr Rudi Altig 1964 un dr Steffen Wesemann 2004. Näb em Cancellara isch dr Heiri Suter (1923) dr einzig Schwyzer Siiger gsi.

Syt 2004 git s au ne Fraueränne, wu vu Oudenaarde uus iber di glyych Strecki fiert wie s Manneränne, aber e baar Stund vo däm losgoht. Ränne fir Noowuchsfahrer git s syt 1936 (U23) bzw. 1975 (Juniore).

Am Dag vor em Profiränne git s e Jedermann-Version vu dr Ronde, wu näbe Deilstreckine iber 75 oder 140 km au di komplett original Strecki iber ca. 260 km cha absolviert wäre.

Siigerlischte[ändere | Quälltäxt bearbeite]

U23[ändere | Quälltäxt bearbeite]

Juniore[ändere | Quälltäxt bearbeite]

Fraue[ändere | Quälltäxt bearbeite]

Weblink[ändere | Quälltäxt bearbeite]

 Allmänd (Commons): Flandern-Rundfahrt – Sammlig vo witere Multimediadateie


Dä Artikel basiert uff ere fräie Übersetzig vum Artikel „Flandern-Rundfahrt“ vu de dütsche Wikipedia.

E Liste vu de Autore un Versione isch do z finde.