Polen-Rundfahrt

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Pole-Rundfahrt, Tour de Pologne,
poln. Wyścig Dookoła Polski
Pole-Rundfahrt 2006
Pole-Rundfahrt 2006
Uusdragigsland Polen Pole
Uusdragigszytruum Septämber
Ränntyp Etapperänne
Erschti Uflag 1928
Erschte Siiger Flagge PolensPOL Feliks Wiecek
Rekordsiiger Je 3 Siig:
Flagge PolensPOL Dariusz Baranowski
Flagge PolensPOL Marian Więckowski
   

D Polen-Rundfahrt (offiziäll Tour de Pologne, poln. Wyścig Dookoła Polski) isch e Radsport-Etapperänne wu alljohr im Septämber durgfiert wird. S umfasst zmeischt sibe oder acht Etappe un isch s erscht Mol anne 1928 uusdrait wore. In dr erscht Johr isch d Rundfahrt nume ab un zue veraastaltet wore, syter 1952 derno alljohr. Bis am Aafang vu dr 1990er Johr sin nume Amateur zuegloo gsi. Syt 2005 ghert d Pole-Rundfahrt zue dr nej yygfierte UCI ProTour, dr Serie vu dr wichtigschte Radränne im Johr.

Rekordsiiger sin Dariusz Baranowski un dr Marian Więckowski, wu d Pole-Rundfahrt je drejmol gwunne hän. Dytschi Siiger sin dr Stefan Schumacher (2006) un dr Jens Voigt (2008) gsi. E Schwyzer Siig het s einmol gee, wu dr Rolf Järmann anne 1997 gwunne het.

Gschicht[ändere | Quälltäxt bearbeite]

D Pole-Rundfahrt isch noch dr Tour de France konzipiert worde. D Warschauer Velofahrgsellschaft und d Sportzitig Przegląd Sportowy, wo z Krakau uusegee wird, hai dr Vorschlaag gmacht und im Summer vo 1928 isch s erste ‹Renne um Pole ume› (Wyścig Dookoła Polski) abghalte worde. 71 Rennfahrer hai mitgmacht und s Renne isch fast 1500 km lang gsi. Dr Felix Więcek vom Bydgoszcz Veloklub het gwunne. Bis zum Zwaite Wältchrieg het s Renne vier Mol stattgfunde. Dr Bolesław Napierała, wo dr Übername ‹Diiger vo dr Strooss› gha het, het s zwai Mol (1937 und 1939) gwunne. Die früehje Renne hai sich stark vo de spööter underschiide: d Etappe si vil lenger gsi (bis zu dreihundert Kilometer), d Fahrer hai ihri Velo sälber müesse flicke und wenn si Hunger gha hai, si si vom Velo abgstiige und in e Beiz gange go ässe.

Noch em Chrieg hai dr Polnisch Veloverein und dr Zitigsverlag Czytelnik 1947 e nöis Renne organsiert, wo vier Etappe lange gsi isch. Dr Stanislaw Grzelak vo Tramwajarz Lodz het das gwunne. Bis 1993 isch d Pole-Rundfahrt nie wichdig worde, wil d Behörde s «Friidensrenne» vorzooge hai. Dank em Czesław Lang, wo bi dr Olympiade vo 1980 e Silbermedallie gwunne het und 1993 Diräkter vo dr Rundfahrt worden isch, isch d Pole-Rundfahrt e UCI World Ranking Renne worde: 1997 in dr Brofikategorii 2.4, 2001 in dr Kategorii 2.2. Sid 2005 ghört si zur UCI ProTour.

D Pole-Rundfahrt isch in de Umfrooge vo dr Przegląd Sportowy in de Johr 1995, 1996, 2004 und 2008 zur ‹Beste Sportveraastaltig vom Johr› gwehlt worde.

Siigerlischt[ändere | Quälltäxt bearbeite]

Weblink[ändere | Quälltäxt bearbeite]

 Allmänd (Commons): Polen-Rundfahrt – Album mit witere Multimediadateie