Fränk Schleck

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Fränk Schleck
Dr Fränk Schleck (linggs) mit eme junge Fan
Dr Fränk Schleck (linggs) mit eme junge Fan
Personedate
Geburtsdatum 15. April 1980
Nation Luxemburg Luxeburg
Velosportspezifischi Informatione
Aktuells Team Team Saxo Bank
Disziplin Stross
Rolle Fahrer
Profiteam(s)
2003–2008
2008
2009-2010
seit 2011
Team CSC
Team CSC-Saxo Bank
Team Saxo Bank
Team Leopard-Trek
Wichtigsti Erfolg

2006 - Siiger vom Amstel Gold Race
2006 - Siiger vo der Etappe vo der Tour de France 2006 uf L’Alpe d’Huez
2008 - 6. Platz Im Gsamtklassemänt vo der Tour de France 2007
2009 - Etappesiig und Erste im Gsamtklassemänt bi der Luxeburg-Rundfahrt
2009 - ei Etappe und 5. Platz im Gsamtklassemänt bi de Tour de France 2009
2010 - ei Etappe und Zweite im Gsamtklassemänt bi dr Luxeburg-Rundfahrt
2010 - Goldigs Trikot ei Etappe und Erste im Gsamtklassemänt bi dr Tour de Suisse

Infobox zletzt aktualisiert: 20. Juni 2011

Dr Fränk Schleck (* 15. April 1980 z Luxeburg) isch e luxeburgische Profi-Strossevelorennfahrer. Dr Velorennfahrer Andy Schleck isch si Brueder.

Karriere[ändere | Quälltäxt bearbeite]

Im Schleck si Vater, dr Johny Schleck isch au Radprofi gsi, und dr Fränk het in de Jugendmannschafte afo fahre, wo vom Claude Conter trainiert worde si, und wo au si elter Brueder Steve und der spöter luxeburgisch Radprofi Kim Kirchen drzue ghört hai. Spöter isch er e baar Johr im Usland dätig gsi, z. B. bi De Nardi z Italie oder z Frankriich.

Die guete Kontakt vom Marcel Gilles hai s em möglig gmacht, ei Monet im Team CSC-Saxo Bank vom Bjarne Riis z fahre, und er het dank siine guete Leistige e Festastellig übercho. Si Brueder Andy fährt sit 2005 au für s Saxo Bank Team.

Am 16. April 2006 het dr Fränk s Amstel Gold Race.

E wiitere bedütende Erfolg het dr Schleck am 18. Juli 2006 gfiirt, won er d Königsetappe vo der Tour de France vo Gap uf L’Alpe d’Huez gwunne het. Eso isch er der erst luxeburgisch Velofahrer sit em Edy Schütz im Johr 1966 gsi, won e Etappe bi der Tour de France gwunne het.

Am 27. April 2008 isch er bi Lüttich–Bastogne–Lüttich im Final nume vom Alejandro Valverde und vom Davide Rebellin gschlage worde. Ei Platz hinter ihm isch si jünger Brueder Andy aachoo, wo d Entscheidig scho früehner gsuecht het und usgrissen isch. Wo s Füehrertrio dr Andy uf ere Kuppe überholt het, het dr Fränk si Brueder e chli agschobe.

Vom 20. Juli bis zum 23. Juli 2008 het dr Fränk Schleck s Gäle Liibli vom Füehrende in der Gsamtwärtig bi der Tour de France aghaa.

Dr Schleck het die 17.Etappe, die sogenannti "Königsetappe", vo der Tour de France 2009 gwunne, vor em Alberto Contador und siim Brueder Andy Schleck.

Dopingvorwürf[ändere | Quälltäxt bearbeite]

Die Süddeutsche Zeitung het in ihrer Usgob vom 27. September 2008 behauptet, ass dr Schleck enttarnt worde siig as Kund vom Arzt Eufemiano Fuentes, wo im Dopingskandal Fuentes dr Name gee het. Das siig bewiise dur en Überwiisig im März 2006 für e Fuentes. Wo d Zitig dr Schleck gfrogt het, het er gsait, ass er nit dopt haig. S Gäld, won er überwiise het, siig für e Trainingsprogramm bestimmt gsi. Dr Schleck het zuegee, ass er Kontakt zum Fuentes gha het, die haig si aber sofort abbroche, won er vo däm siine Verbindige zum Doping ghört haig. Ufgrund vo de Vorwürf het die luxeburgisch Anti-Doping-Agentur ALAD gegen e Schleck ermittelet, het s Verfahre aber iigstellt, wil s weder Bewiis gäb für Dopingversüech no für Doping wo duregfüehrt worde siig.[1].

De Schleck isch uf de 13. Etappe vo de Tour de France 2012 positiv uf s Diuretikum Xipamid testet worde. Das het de Velosportweltverband UCI am Obe vom 17. Juli mitdäilt. Sii Team het en am gliche Dag vo de Tour zruckzoge.[2]

Team[ändere | Quälltäxt bearbeite]

Erfolg[ändere | Quälltäxt bearbeite]

2014
  • MaillotLuxemburgo.PNG Luxemburgische Meister – Strosserenne
2011
2010
2009
2008
2007
2006
2005
  • Luxeburger Strossemeister
  • 2., 4. und 8. Platz in Etappe in der Tour de Suisse
  • 4. Platz vom Gsamtklassemänt vo der Tour de Suisse
  • 2. Platz bi der Meisterschaft vo Züri
  • 3. Platz bim Giro di Lombardia]
  • 7. Platz vom Gsamtklassemänt bi Paris–Nizza
2004
  • 3. Platz vo der 7. Etappe in der Tour de Suisse
  • 9. Platz vom Gsamtklassemänt bi Paris–Nizza
  • 10. Platz bi der Strosseweltmeisterschaft
  • 16. Platz bi de Olympische Spiil
2002
  • 4. Platz bim GP Schwarzwald (Bad Krozinge - Fäldbärg) in der Kategorii U 23

Uszeichnige[ändere | Quälltäxt bearbeite]

Am 15. Dezember 2006 isch dr Fränk Schleck zum beste männlige Sportler 2006 z Luxeburg uszeichnet worde. Er het 146 Stimme Vorsprung uf dr Zweitplatziert David Fiegen, dr 800 Meter Silbermedaillegwünner bi dr Europameisterschaft 2006.

Lingg[ändere | Quälltäxt bearbeite]

Nowiis[ändere | Quälltäxt bearbeite]

  1. http://www.wort.lu/wort/web/sport/artikel/03866/anti-doping-agentur-freispruch-fuer-frank-schleck.php.
  2. http://www.spiegel.de/sport/sonst/tour-de-france-radprofi-frank-schleck-positiv-getestet-a-844998.html
Dä Artikel basiert uff ere fräie Übersetzig vu dere Version vum Artikel „Fränk_Schleck“ vu de dütsche Wikipedia.

E Liste vu de Autore un Versione isch do z finde.