Amstel Gold Race

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Amstel Gold Race
S Amstel Gold Race 2007
S Amstel Gold Race 2007
Uusdragigsland Niederlande Niiderlande
Uusdragigszytruum April
Ränntyp Eidagesränne
Organisator Amstel Gold Race-Stiftig
Erschti Uflag 1966
Erschte Siiger Flagge FrankreichsFRA Jean Stablinski
Rekordsiiger Flagge der NiederlandenNED Jan Raas (5 Siig)
Verlauf
Karte Amstel Gold Race
   

S Amstel Gold Race isch e Stroßeradränne, wu syter anne 1966 alljohr bi Maastricht in dr Niderlande stattfindet. Des klassisch Eidagesränne, wu no dr holländische Biersorte Amstel gnännt isch, isch bis 2004 e Deil vum Rad-Wältcup gsi, wu zeh Ränne derzue ghert hän. Syt 2005 ghert s zue dr nej yygfierte UCI ProTour, dr Serie vu dr wichtigschte Radränne im Johr..

Dää rund 250 km lang niderländisch Radklassiker het wäg dr ender flachere Strecki langi Zyt as Ränne fir Sprinter gulte. In dr letschte Johre sin aber allmeh Biel in dr Parcours vum Ränne yyböue wore. Vor allem d Verlegig vum Ziil het sich uf dr Rännverlauf zimli uusgwirkt: syter anne 2003 hert s Amstel Gold Race nimi z Maastricht uf, derfir am Cauberg z Valkenburg, eme relativ churze, aber zimli gäche Aastiig, wu au scho viermol dr Schaublatz vu dr Stroßerad-WM gsi isch.

Syt e baar Johr git s am Dag vor em Profiränne au ne Jedermannränne, derzue git s no d „Tourischtik-Version“ vum Amstel Gold Race, d Radtuur „Limburgs Mooiste“.

Bis Aafangs 1990er Johr isch s Amstel Gold Race in dr Hauptsach vu Belgier un Niderländer dominiert wore. Syt s Ränne Deil vum Rad-Weltcup gsi isch bzw. hite vu dr UCI ProTour, git s dytli meh internationali Siiger. Rekordsiiger isch dr Niderländer Jan Raas, wu dää Klassiker fimfmol het chenne gwinne (1977-1980, 1982). Dytschi Siiger sin dr Olaf Ludwig 1992, dr Erik Zabel 2000 un dr Stefan Schumacher 2007 gsi. Schwyzer Radfahrer hän s Amstel Gold Race insgsamt drejmol gwunne: dr Rolf Järmann 1993 un 1998 un dr Mauro Gianetti 1995.

Aastiig[ändere | Quälltäxt bearbeite]

Di Aastiig vum Amstel Gold Race sin zmeischt nume rund ei Kilometer lang, doderfir aber rächt gäch. Hitigsdags mien d Fahrer 31 Heuvel (Biel) absolviere, wie d Aastiig z Limburg gnännt wäre. E baar Aastiig wäre zweimol gfahre.

  • 1. Maasberg
  • 2. Adsteeg
  • 3. Lange Raarberg
  • 4. Bergseweg
  • 5. Sibbergrubbe
  • 6. Cauberg
  • 7. Wolfsberg
  • 8. Loorberg
  • 9. Schweiberg
  • 10.Camerig
  • 11.Drielandenpunt
  • 12.Gemmenicherweg
  • 13.Vijlenerbos
  • 14.Eperheide
  • 15.Gulperberg
  • 16.Plettenberg
  • 17.Eyserweg
  • 18.Huls
  • 19.Vrakelberg
  • 20.Sibbergrubbe
  • 21.Cauberg
  • 22.Geulhemmerberg
  • 23.Bemelerberg
  • 24.Wolfsberg
  • 25.Loorberg
  • 26.Gulperberg
  • 27.Kruisberg
  • 28.Eyserbosweg
  • 29.Fromberg
  • 30.Keutenberg
  • 31.Cauberg

Siigerlischt[ändere | Quälltäxt bearbeite]

Weblink[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Amstel_Gold_Race“ vu de dütsche Wikipedia.

E Liste vu de Autore un Versione isch do z finde.