Mailand–Sanremo

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Mailand–Sanremo, ital. Milano–Sanremo
Dr Alessandro Petacchi gwinnt im Sprint (2005)
Dr Alessandro Petacchi gwinnt im Sprint (2005)
Uusdragigsland Italien Italie
Uusdragigszytruum dritte Samschtig im Merze
Ränntyp Eidagesränne
Organisator RCS Sport
Erschti Uflag 1907
Erschte Siiger Flagge FrankreichsFRA Lucien Petit-Breton
Rekordsiiger Flagge BelgiensBEL Eddy Merckx (5 Siig)
Verlauf
Karte Mailand–Sanremo, ital. Milano–Sanremo
   

S Radränne Mailand–Sanremo isch mit iber 290 Kilometer s lengscht Eidagesränne im Profi-Radsport. S zellt zue dr fimf sognännt Monumänt vum Radsport und un het drej Johr lang zue dr UCI ProTour ghert, ere Serie vu dr wichtigschte Radränne im Johr, wu anne 2005 yygfiert woren isch.

Dr wichtigscht un beriemtescht italienisch Radklassiker findet alljohr an eme Samschtig Ändi Merz statt un drait wäge däm dr Byynamme La Primavera (Fahrt in s Friejohr). La classicissima, wie s Ränne au reschpäktvoll gnännt wird, het s erscht Mol anne 1907 stattgfunde un isch bis zue dr Abschaffig vum Rad-Weltcup s erscht vu dr zeh Ränne vu däre Serie gsi. Vu Aafang aa bis hite wird s Ränne vu dr Gazzetta dello Sport organisiert.

Bim erschte Ränne am 14. April 1907 hän 33 Rännfahrer mitgmacht. Siiger isch dr Franzos Lucien Mazan wore mit eme Schnitt von 26,6 km/h. Im Gegesatz doderzue isch d Durschnittsgschwindigkeit anne 2010 bi rund 43 km/h gläge. D Deilnähmer vum erschte Ränne hän dertemol e Ufwandsentschädigung vu fimf Lire iberchuu.

Strecki[ändere | Quälltäxt bearbeite]

D Streckefierig vu Mailand uf Sanremo änderet sich vu Johr zue Johr nume wenig. Im Gegesatz zue z. B. Paris–Roubaix, wu 80 Kilometer nerdli vu Paris z Compiègne aafangt, fangt Mailand–Sanremo datsächli z Mailand aa, uf dr Piazza Castello. Derno goht d Strecki iber Binasco, Pavia, Voghera, Tortona, Novi Ligure, Ovada un dr Turchino-Bass – mit 588 Meter dr hegscht Punkt vu dr Ruute – un chunnt bi Genua an d Mittelmeerkischte. Spektakulär sin vor allem d Passasche dernoo: si fiere zem greschte Deil uf dr historische Via Aurelia diräkt an dr italienische Riviera lang.

S Ränne, wu iber wyti Deil fascht ganz flach isch, het sich bis vor e baar Johr vilmol an e baar churze Aastiig churz vor em Änd entschide, vor allem am Aastiig no Cipressa (rund 20 Kilometer vor em Ziiluf 240 Meter Hechi gläge) un am Aastiig no Poggio di Sanremo (rund segs Kilometer vor em Ziil uf 162 Meter Hechi gläge). Im Radsport sait mer vilmol au churz d Cipressa un dr Poggio. Derzue het s no dr Capo Mele (65 m), dr Capo Cervo (77 m) un dr Capo Berta (130 m). In dr letschte Johr hän die Aastiig, wu „Capi“ gnännt wäre, aber nume no sälte zuen ere Selektion gfiert un d Entscheidig isch zmeischt in eme Massespringt uusdrait wore. Des zeigt sich au in dr Siigerlischt, wu zletscht vu Sprinter wie Erik Zabel, Mario Cipollini, Oscar Freire, Alessandro Petacchi un Mark Cavendish dominiert woren isch.

D Rekordsiiger[ändere | Quälltäxt bearbeite]

Di meischt Siig bi dr „Classicissima“ het dr belgisch „Kannibal“ Eddy Merckx gschafft. Är het in elf Johr zwische 1966 un 1976 insgsamt sibe Mol gwunne. Hinter em Costante Girardengo (segs Siig) lyt zämme mit em Gino Bartali dr dytsch Fahrer Erik Zabel uf Platz 3 vu dr ebige Ranglischt. Dr Zabel het vu 1997 bis 2001 vier Mol z Sanremo gwunne, noch em Rudi Altig 1968 dr zweet dytsch Fahrer, wu des Ränne gwunne het. 2013 het dr Gerald Ciolek as dritte Dytsche d Classicissima gwunne.

Schwyzer Siiger het s zweimol gee: anne 1987 (Eric Mächler) un 2008 (Fabian Cancellara).

Siiger[ändere | Quälltäxt bearbeite]

Weblink[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Mailand–Sanremo“ vu de dütsche Wikipedia.

E Liste vu de Autore un Versione isch do z finde.