Tour Down Under

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Tour Down Under
Tour Down Under 2007
Tour Down Under 2007
Uusdragigsland Australien Auschtralie
Uusdragigszytruum Jänner
Ränntyp Etapperänne
Erschti Uflag 1999
Erschte Siiger Flagge AustraliensAUS Stuart O’Grady
Rekordsiiger Je 2 Siig:
Flagge AustraliensAUS Stuart O’Grady
Flagge DeutschlandsDEU André Greipel
   

D Tour Down Under isch e Radränne im auschtralische Bundesstaat South Australia um d Hauptstadt Adelaide. Des Etapperänne ghert syt 2008 zue dr anne 2005 nej yygfierte UCI ProTour, dr Serie vu dr wichtigschte Radränne im Johr. S isch in d Kategorii 2.HC yygstapflet un ghert syt 2005 zue dr UCI Oceania Tour.

D Rundfahrt isch anne 1999 zem erschte Mol uusdrait wore. un findet alljohr Mitti Jänner statt. Si isch vu dr Tourismuskommission vu South Australia ins Läbe gruefe wore go dr Bundesstaat im Uusland represäntiere un isch s einzig wichtig Profiradränne z Auschtralie. Vili europäischi Mannschafte nutze d Tour Down Under as Vorbereitig fir d Saison, wu im März mit Paris-Nizza un Tirreno-Adriatico aafangt, wel z Europa no Winter isch, derwylscht d Fahrer vu dr auschtralische Team im Hochsummer uf dr Sidhalbchugle in Top-Form sin. D Tour Down Under stoht alljohr im Mittelpunkt vum "Festival of Cycling",ere Veraastaltigsreihe,wu s sich z South Australia alles um s Fahrrad drillt. Wel s bi däm Ränne keini greßere Aastig git, gwinne vilmol reini Sprinter oder Uusrysser. Rekordsiiger sin dr Auschtralier Stuart O'Grady un dr Dytsch André Greipel, wu s bedi zweimol gwunne hän. Dr einzig Siiger us dr Schwyz isch dr Martin Elmiger 2007 gsi.

Siigerlischt[ändere | Quälltäxt bearbeite]

Weblink[ändere | Quälltäxt bearbeite]

 Allmänd (Commons): Tour Down Under – Sammlig vo witere Multimediadateie