Ferdy Kübler

Ferdinand "Ferdy" Kübler

Dr Ferdy Kübler 1954
Personedate
Spitzname	Ferdy National
Geburtsdatum	24. Juli 1919
Nation	Schwiiz
Velosportspezifischi Informatione
Disziplin	Stross
Rolle	Fahrer
Profiteam(s)
1945-1947 1948-1949 1948-1955 1949 1950 1951-1957 1952-1955 1956	Cilo (Schwiiz) Peugeot - Dunlop (Frankriich) Tebag (Schwiiz) Bartali (Italie) Frejus (Italie) Fiorelli (Italie) La Perle - Hutchinson (Frankriich) Carpano - Coppi (Italie)
Wichtigsti Erfolg
Strosse-Schwiizermeisterschaft 1950 Erste bi dr Tour de Suisse 1942, 1948, 1951 Erste bi dr Tour de France 1950 Tour de Romandie 1948, 1951 Strossewältmeister 1951
Infobox zletzt aktualisiert: 30. 5. 2010

Dr Ferdinand "Ferdy" Kübler (* 24. Juli 1919 z Marthale) isch en ehemolige Schwiizer Velorennfahrer und der erst Schwiizer, wo d Tour-de-France gwunne het. Er wohnt hützudag z Birmesdorf bi Züri.

Velosportkarriere

Mit siim charakteristisch kampfbetonte Fahrstil het dr Kübler zu den erfolgriichste Velorennfahrer us der Schwiiz ghört. Er het si Laufbahn als Profirennfahrer 1940 agfange und het 1942 mit der Tour de Suisse si ersts bedütends Renne gwunne. Aber erst won er elter worden isch, het er sich eso chönne steigere, ass er zur domolige Wältelite het muesse zellt wärde. Im Kübler si grösst Erfolg isch dr Gsamtsiig bi der Tour de France 1950 gsi, won er scho 31 Johr alt gsi isch.

1951 isch er Strossewältmeister worde. Vo 1948 bis 1951 het er viermol noch enander d Schwiizer Strosse-Velomeisterschafte gwunne. Si grösst Schwiizer Konkurränt zu sällere Ziit isch dr Hugo Koblet gsi.

Dr Kübler isch näben em Koblet der einzig Schwiizer, wo d Tour de France het chönne gwünne. Bis 2009, wo dr Fabian Cancellara ihn überholt het, isch er au der Schwiizer gsi, wo s Maillot Jaune vom Füehrende am hüfigste drait het, nämlig währed zwölf Etappe.

Dr Ferdy Kübler, wom en em au „Ferdy National“ gsait het, het 1957 si Velosportkarriere beändet. Nochhär isch er im Sportmarketing dätig gsi. Er isch der eltist vo de Tour-de-France-Siiger, wo no läbe. 1983 isch er zum populärste Schwiizer Sportler vo de letzte 50 Johre gwehlt worde.

Sustigi Erfolg vom Kübler

• Strossewältmeister 1951
• Siiger in der Tour de Suisse 1942, 1948, 1951
• Siiger in der Tour de Romandie 1948, 1951
• Gwünner vom grüene Trikot bi der Tour de France 1954 (2. Gsamtrang)
• 5 Tour de France Etappesiig (3 x 1950, 2 x 1954)

Uszeichnige

2010 het dr Ferdy Kübler dr "lifetimeAward" vom Schwiizer Färnsehe für si Läbenswärk übercho.

Litratur

Martin Born, Hanspeter Born et. al.: Ferdy Kübler. „Le fou pédalant“. Zürich 2006. ISBN 978-3909111251

Weblingg

• Literatur vu un iber Ferdy Kübler im Katalog vu dr Dytsche Nationalbibliothek
• Palmarès – Liste vo de Erfolg und Platzierige
• Grand Prix Ferdy Kübler
• "Ein bisschen EPO, dann fahre ich schnell" Interview uf LAOLA1.at

Dä Artikel basiert uff ere fräie Übbersetzig vu dere Version vum Artikel „Ferdy_Kübler“ vu de dütsche Wikipedia. E Liste vu de Autore un Versione isch do z finde.