Homo (Mensch)
Us der alemannische Wikipedia, der freie Dialäkt-Enzyklopedy
| Homo | ||||||||||||
|---|---|---|---|---|---|---|---|---|---|---|---|---|
|
||||||||||||
| Systematik | ||||||||||||
|
||||||||||||
| Wisseschaftlicher Namme | ||||||||||||
| Homo | ||||||||||||
| Arte | ||||||||||||
|
 |
Dialäkt: Markgräflerisch (Ebringe) |
D'Gattig Homo (latinisch fer Mensch) isch nooch de derzitt noch yberwigende Klassifizierig vu de Systematiker die ainzig yberläbend Gattig vu de Entwicklungslinie vu de Echte Mensche, wo früeher als aigeni Familie, hüt aber als Dail (Tribus) vu de Menscheaffe betrachtet werre. Ufgrund vu de genetische Ähnlichkait vu de Schimpanse zue dere Gattig, werre dere baidi Arte vu ere zuenämmende Zahl vu Autore in d'Gattig Homo igordnet. Sälli Iordnig isch derzitt nit verbindlich, innerhalb vu de moderne phylogenetische Forschig sowie us ethischen Aspekte umstritte, (Stand 2005). Am End vu dere Debatte chännt aber zuemindist ä Iornig vu de Schimpanse als zwaiti Gattig in de Tribus vu de Echte Mensche als Kompromiss sto.
In de Evolution vu de Gattig Homo isch bsunders d'Entwicklig vum Hirni uffällig. Innerhalb vu wäniger wie 2 Millione Johre het sich s'Hirnvolume etwa verdrifacht.
Generell zaichnet sich d'Gattig Homo innerhalb vu de Hominine dur folgendi Sunderbildige us:
- Extrem vergrößerter Hirnschädel
- zuenämmendi Stailhait vu de Stirn
- zunämmend vergrößerts Hirni, insbesunderi Großhirni (aber nit zwangsläufig, lueg H. floresiensis)
- Reduzierig vu de Chaumuskle
- zunähmendi Gliichförmigkait un Größereduzierig vu de Zähn
- Verchlainerig vum Oberchiifer un Underchiifer
- Witteri Usprägig vu de Hand als Griffhand fer Gegeständ dur Verchürzig vu de Middelhand
- Extrem vergrößerter Burtschanal
- Starch vergrößerti wiblichi Brust (fossil nit noochwiisbar)
De Früehmensch het s'Fyr scho vor ebbe 790.000 Johre kontrolliert gnutzt. Des lege Yberreste vu verbränntem Some, Holz un Flintstai an ere Fundstelle nammens Gesher Benot Ya‘aqov in Israel noh.
[ändere] Systematik
- Homo rudolfensis vor 2,4 bis 1,6 Millione Johre, Ostafrika
- Homo habilis vor 1,9 bis 1,6 Millione Johre, Ostafrika
- Homo antecessor vor 0,9 Millione Johre, Spanie
- Homo erectus vor 1,7 bis 0,3 Millione Johren, Algerie, China, Java
- Homo ergaster vor 1,8 bis 1,4 Millione Johre, Ostafrika, Südafrika, Georgie
- Homo heidelbergensis vor 600.000 bis 100.000 Johre, Dytschland, England, Frankriich, Äthiopie, Sambia, Griicheland
- Neandertaler (Homo neanderthalensis) vor 200.000 bis 30.000 Johre, Israel, Syrie, Irak, witti Dail vu Europa
- Homo floresiensis vor ugfähr 100.000 bis 12.000 Johre, Flores—ä durchuus unsicheri Iideilig, wo nit vo alle Wisseschaftler as bsundrigi Menschenart akzeptiert wird.[1][2]
- Moderner Mensch (Homo sapiens) sit ugfähr 200.000 Jahren, zuenächst in Afrika, später au China un weltwit un sit 1959 au menkmol drübernus.
Au d'Australopitecine solle chünftig de Gattig Homo zuegrechnet werre, (im Fall vu ere Zueornig vu de Schimpanse zue de Gattig Homo wär des praktisch zwingend, wil si nächer wie d'Schimpanse mit de moderne Mensche verwandt gsi sin).
[ändere] Fuessnote
- ↑ Justine Vaisutis, Patrick Witton, Indonesia, Lonely Planet Publications 2007, S.544
- ↑ Stephen Spencer, Race and ethnicity: culture, identity and representation, Routledge 2006, S.4
[ändere] Netzgleicher (Weblinks)
Dr Artikel basiert uf ´ra freie Ibersetzung vum Artikel „Homo (Mensch)“ us dr dytsche Wikipedia.
E Lischte mit de dörtige Autore kasch dörte aluege
