Altwältaffe

E Westlige Gorilla (Gorilla gorilla)

Systematik

Underchlass:	Hööcheri Süüger (Eutheria)
Überordnig:	Euarchontoglires
Ordnig:	Primate (Primates)
Underordnig:	Drochenaseprimate (Haplorrhini)
Deilordnig:	Affe (Anthropoidea)
	Altwältaffe

Wüsseschaftlige Name

Catarrhini

Geoffroy Saint-Hilaire, 1812

D Altwältaffe oder Schmalnasenaffe (Catarrhini) bilde e Verwandtschaftsgrubbe vo de Primate. In dere Grubbe wärde alli Affe vo dr Alte Wält (Eurasie und Afrika) zämmegfasst. Mä däilt sa ii in die Gschwänzte Altwältaffe (Cercopithecoidea) und die Menschenartige (Hominoidea). Zu de Menscheartige ghöört au dr Mensch.

Merkmol[ändere | Quälltäxt bearbeite]

D Altwältaffe häi e schmaali Naaseschäidewand mit Naaselücher, wo parallel gege vorne oder unde zäige. Usserdäm häi alli Arte e lange, chnöchrige Ghörgang und nume no zwäi vorderi Backezeen; im Ganze häi si maximal 32 Zeen, vier weniger as d Nöiwältaffe (maximal 36). Die mäiste Arte häi Sitzhornhut am Füüdle und dr Duume cha im Gegesatz zu de Nöiwältaffe de andere Finger gegenüber gstellt wärde, er isch opponierbar. D Lengi vom Schwanz isch verschiide, cha aber nid as Grifschwanz iigsetzt wärde. An de Finger und Zeeche het s flachi Neegel.

Altwältaffe si middelgroossi bis groossi Primate und im Durchschnitt gröösser as Nöiwältaffe. Die chliinsti Art si d Zwärgmeerchatze mit 0,8 bis 1,3 Kilogramm, wäärend männligi Gorilla bis zu 200 Kilogramm chönne wääge.

Süstematik[ändere | Quälltäxt bearbeite]

S Kladogramm undenooche stellt die woorschinlige Verwandtschaftsverheltniss innerhalb vo de Altwältaffe daar:^[1]

Altwältaffe

Menschenartigi

	Gibbons (Hylobatidae)

	Menschenaffe (Hominidae)

Meerchatzeverwandti

Backedäschenaffe

Meerchatzenartigi (Cercopithecini)

Pavianartigi

	Makake (Macaca)

	übrigi Pavianartigi

Schlank- und Stummelaffe

	Stummelaffe (Colobini)

	Schlankaffe (Presbytini)

Litratuur[ändere | Quälltäxt bearbeite]

Thomas Geissmann: Vergleichende Primatologie. Springer-Verlag, Berlin u. a. 2002, ISBN 3-540-43645-6.

Fuessnoote[ändere | Quälltäxt bearbeite]

↑ Jinchuan Xing, Hui Wang, Kyudong Han, David A. Ray, Cheney H. Huang, Leona G. Chemnick, Caro-Beth Stewart, Todd R. Disotell, Oliver A. Ryder, Mark A. Batzer 2005. A mobile element based phylogeny of Old World monkeys Archivlink (Memento vom 30. Septämber 2015 im Internet Archive). Molecular Phylogenetics and Evolution 37 :872–880, doi: 10.1016/j.ympev.2005.04.015

Weblingg[ändere | Quälltäxt bearbeite]

Commons: Altweltaffen – Sammlig vo Multimediadateie

Dä Artikel basiert uff ere fräie Übersetzig vum Artikel „Altweltaffen“ vu de dütsche Wikipedia. E Liste vu de Autore un Versione isch do z finde.

[1] Jinchuan Xing, Hui Wang, Kyudong Han, David A. Ray, Cheney H. Huang, Leona G. Chemnick, Caro-Beth Stewart, Todd R. Disotell, Oliver A. Ryder, Mark A. Batzer 2005. A mobile element based phylogeny of Old World monkeys Archivlink (Memento vom 30. Septämber 2015 im Internet Archive). Molecular Phylogenetics and Evolution 37 :872–880, doi: 10.1016/j.ympev.2005.04.015

[1]