Homo

Us der alemannische Wikipedia, der freie Dialäkt-Enzyklopedy
Dä Artikel isch über e Mensch as biologischi Gattig; für anderi Bedütige vo Homo lueg do.
Homo
Moderner Mensch (Homo sapiens) Darstellig vun de Pioneer 11 Tafel
Systematik
Underornig: Druchenaseaffe (Haplorhini)
Dailornig: Altweltaffe (Catarrhini)
Yberfamilie: Menscheartigi (Hominoidea)
Familie: Menscheaffe (Hominidae)
Tribus: Echti Mensche (Hominini)
Gattig: Homo
Wisseschaftlicher Namme
Homo
Arte
Dialäkt: Markgräflerisch (Ebringe)

D'Gattig Homo (latinisch fer Mensch; alemannischi Näme) isch nooch de derzitt noch yberwigende Klassifizierig vu de Systematiker die ainzig yberläbend Gattig vu de Entwickligslinie vu de Echte Mensche, wo früeher als aigeni Familie, hüt aber als Dail (Tribus) vu de Menscheaffe betrachtet werre. Ufgrund vu de genetische Ähnlichkait vu de Schimpanse zue dere Gattig, werre dere baidi Arte vu ere zuenämmende Zahl vu Autore in d'Gattig Homo igordnet. Sälli Iordnig isch derzitt nit verbindlich, innerhalb vu de moderne phylogenetische Forschig un au us ethischen Aspekte umstritte, (Stand 2005). Am End vu dere Debatte chännt aber zuemindist ä Iornig vu de Schimpanse als zwaiti Gattig in de Tribus vu de Echte Mensche als Kompromiss sto.

In de Evolution vu de Gattig Homo isch bsunders d'Entwicklig vum Hirni uffällig. Innerhalb vu wäniger wie 2 Millione Johre het sich s'Hirnvolume eppe verdreifacht.

Generell zaichnet sich d'Gattig Homo innerhalb vu de Hominine dur folgendi Sunderbildige us:

  • Extrem vergrößerter Hirnschädel
  • zuenämmendi Stailhait vu de Stirn
  • zunämmend vergrößerts Hirni, insbesunderi Großhirni (aber nit zwangsläufig, lueg H. floresiensis)
  • Reduzierig vu de Chaumuskle
  • zunähmendi Gliichförmigkait un Größereduzierig vu de Zähn
  • Verchlainerig vum Oberchiifer un Underchiifer
  • Witteri Usprägig vu de Hand als Griffhand fer Gegeständ dur Verchürzig vu de Middelhand
  • Extrem vergrößerter Burtskanal
  • Starch vergrößerti wiblichi Brust (fossil nit noochwiisbar)

De Früehmensch het s'Fyr scho vor ebbe 790.000 Johr kontrolliert gnutzt. Des lege Yberreste vu verbränntem Some, Holz un Flintstai an ere Fundstelle mit Name Gesher Benot Ya‘aqov in Israel noch.

Systematik[ändere | Quälltäxt bearbeite]

Au d'Australopitecine solle chünftig de Gattig Homo zuegrechnet werre, (im Fall vu ere Zueornig vu de Schimpanse zue de Gattig Homo wär des praktisch zwingend, wil si nächer wie d'Schimpanse mit de moderne Mensche verwandt gsi sin).

Fuessnote[ändere | Quälltäxt bearbeite]

  1. Justine Vaisutis, Patrick Witton, Indonesia, Lonely Planet Publications 2007, S.544
  2. Stephen Spencer, Race and ethnicity: culture, identity and representation, Routledge 2006, S.4

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Homo_(Mensch)“ vu de dütsche Wikipedia. E Liste vu de Autore un Versione isch do z finde.