Gattig (Biologi)

Us der alemannische Wikipedia, der freie Dialäkt-Enzyklopedy
Dä Artikel bschäftigt sich mitem Gattigsbegriff us de biologische Taxonomi. Witeri Bdütige vu Gattig findener under Gattig


D Position vo dr Gattig innerhalb vo dr biologische Klassifikation

D Gattig (lat. Genus) isch ä hierarchischi Stufe (Taxon) vu de biologische Systematik.

Ä Gattig enthaltet aini oder mehreri Arte. Ä Bispiil vu ere Gattig isch d Abies (Danne). Alli Arte innerhalb vu ere Gattig hän immer ä zwaidailige (binominale) Namme, wo näbe de Gattigsbzaichnig noch ä Art-Epitheton enthaltet. Abies alba (d Wissdanne) isch ä Art in de Gattung Abies (Danne). Sälli durgohend binominal Bnennig goht uf Carl von Linné zruck, wo si in sinem Werch Systema Naturae igfeehrt het.

Wenn ä Gattig bloß ai Art enthaltet, nennt mer d Gattig monotypisch. Gattige selber werre in Familie zsämmegfasst.

Struktureerig vu ere Gattig[ändere | Quälltäxt bearbeite]

Wenn ä Gattig vili Arte enthaltet, wo noch underschidliche Kriterie gordnet werre chänne, sten die folgende hierarchische Räng zuer Verfüegig:

  • Undergattig
  • Sektion
  • Undersektion
  • Serie
  • Underserie

Debi isch es im Ermesse vum Biologe, weller vu de Räng agmesse erschiint. Bdütendi Underschid werre in de Regel dur Undergattige usdruggt; bi uschinbare Variatione wird echer d Sektion bnutzt. S git also kai Vorschrift, dass bstimmti Räng bvorzugt z bnutze sin. Allerdings wird d Undersektion (bzw. Underserie) bloß bruucht, wenn au d Sektion (bzw. Serie) bnutzt wird.

Dä Artikel basiert uff ere fräie Übersetzig vum Artikel „Gattung_(Biologie)“ vu de dütsche Wikipedia. E Liste vu de Autore un Versione isch do z finde.