Hohfirscht

Us der alemannische Wikipedia, der freie Dialäkt-Enzyklopedy
Hohfirscht
Hohbannstei
Hohbannstei

Hohbannstei

Hechi 496 m
Lag Bade-Württeberg
Dütschland
Gebirg Oberrhigrabe
Schimbergmassiv
öschtl. Vorbergzone
Geografischi Lag 47° 56′ 20″ N, 7° 46′ 47″ OKoordinate: 47° 56′ 20″ N, 7° 46′ 47″ O
Hohfirst (Baden-Württemberg)
Hohfirst (Baden-Württemberg)
Hohfirst
Hohfirst

f

Dialäkt: Markgräflerisch (Ebringe)

Dr Hohfirscht (dt. Hohfirst) lit guet 10 km südlich vu Friburg im Brisgau zwischem Schnäggedal im Weschte un em Hexedal im Oschte. Dr Berg isch 496 Meter hoch un bildet dr Süddeil vum Schimbergmassiv.

Ortschafte drumrum[ändere | Quälltäxt bearbeite]

Am Berg lige – vu Norde im Uhrzeigersinn – Dalhüse, Sailede, Bollschwil, Güetighofe, Ehrestette, Chilchhofe, Pfaffewiler mit Ehlischwiler un Wolfewiler.

Dr Gipfel isch e chleis Plateau un ghört zue Wolfewiler un Pfaffewiler.

Underhalb vum Gipfel isch dr Hohbannstei, wo fimf vu dr Hohfirschtgmeinde anenandergrenze.

Geologi[ändere | Quälltäxt bearbeite]

Zsämme mitem 644 Meter hoche Schimberg bildet dr Berg s Schimbergmassiv, e Vorgebirg vum Schwarzwald, wo scho in dr Bruchzone vum Oberrhigrabe lit. E Näbegipel vum Hohfirscht isch dr Eelberg bi Bollschwil, e Art Vorgebirg isch dr Batzeberg uf dr andere, weschtliche Side vum Schnäggedal.

Dr Hohfirscht bestoht vorwiged us Chalchstei. Bi Pfaffewiler hets grossi Steibrüch gha, in dene ihri Bruchstei e guets Murwerch gä hän un wo au im Friburger Minschter verwendet worre sin – mitunter werre sogar hit noch Stei fiers Münschter vu dert gholt. Bi Bollschwil befindet sich noch e Chalchbergwerch, wo bis ins Friehjohr 2011 d Firma Marmorit betribe het un wo dr Chalch fier Schotterstei un Gips verwendet worre isch. Obwohl d Förderkonzession verlängeret worre isch dr Bergbau anno 2011 erscht emol igstellt worre.

Flora[ändere | Quälltäxt bearbeite]

D Gipfelregion isch bewaldet, am Südhang und Weschthang sin Räbe.

Archäologischs[ändere | Quälltäxt bearbeite]

Mehreri Höhlene befinde sich uff em Eelberg, wo mer Deifels-Chuchi heisst. Menschlichi Iberreschte, wo mer dert gfunde het, ordnet mer in dr Neandertaler zue. Bi sällene Höhlene befinde sich au noch Reschte vu dr ehemolige Burg Hauefels.