Gemeinden des Kantons Basel-Stadt
Us der alemannische Wikipedia, der freie Dialäkt-Enzyklopedy
| Dialäkt: Baseldytsch |
Dr Kanton Basel-Stadt umfasst 3 politischi Gmäinde, wo Yywoonergmäinde gnennt wärde (Stand Februar 2005):
| Wappe | Offiziell Name vor Gmäind | Iihaimisch Name vor Gmäind | Yywooner (31. Dez. 2005) |
Flechi in km² |
|---|---|---|---|---|
 |
Basel | Baasel | 165'786 | 22.75 |
 |
Bettingen | Bettige | 1203 | 2.23 |
 |
Riehen | Rieche | 20'504 | 10.87 |
Bi dr Kantonsdäilig vo 1833 si alli Baselbieter Gmäinde zum nöije Kanton Basel-Landschaft cho, däilwiis mit wenig Begäisterig wie Gälterchinde und Riinech. Nume die rächtsrhiinische Gmäinde Rieche, Bettige und Chläihünige si bi dr Stadt bliibe. Zwüsche 1893 und 1908 het d Stadt Chläihünige schrittwiis iigmäindet, aber Bettige und Rieche si bis hüte sälbständigi Gmäinde mit alle politische Organ, won e Gmäind eso het. Im Kantonsparlamänt, em Groosse Root, het Rieche elf Verdrätter und Bettige äine. Die übrige achtenachzig Rööt chömme us dr Stadt sälber.
