Freienbach SZ
| S SZ im Lemma isch s offizielle Chürzel vom Kanton Schwyz und wird verwendet, um Verwechslige mit gliichluutende Iiträäg vom Name Freienbach z vermiide. |
| Freienbach | |
|---|---|
 |
|
| Basisdate | |
| Staat: | Schwiiz |
| Kanton: | Schwyz (SZ) |
| Bezirk: | Höfe |
| BFS-Nr.: | 1322 |
| Poschtleitzahl: | 8806 Bäch 8640 Hurden 8807 Freienbach 8808 Pfäffikon 8832 Wilen bei Wollerau |
| UN/LOCODE: | CH FBH |
| Koordinate: | 699942 / 22906747.2049928.757778418Koordinate: 47° 12′ 18″ N, 8° 45′ 28″ O; CH1903: 699942 / 229067 |
| Höchi: | 418 m ü. M. |
| Flächi: | 20.30 km² |
| Iiwohner: | 15'730 (31. Dezämber 2011)[1] |
| Website: | www.freienbach.ch |
 Freiebach mit em Etzel |
|
| Karte | |
 |
|
| Dialäkt: Züridütsch (See) |
Freiebach (dütsch; Freienbach, di Ihaimische säged Fryebach) isch di gröschti Gmeind im Kanton Schwyz wämmer uf d Iiwoner luege tuet. Sie bestaaht us de Ort Freiebach, Pfäffike, Hurde, Bäch und Wiile. Freiebach isch i de Aglomeration vo Züri und hauptsächlich uf d Stadt Züri uusgrichtet. Dr Hauptort vor Gmeind Freyebach isch Pfäffike.
Inhaltsverzeichnis |
Geografi [ändere]
Freiebach liit am lingge Ufer vom Zürisee, grad uf Höchi vom Seedamm, wo uf Rapperschwil übere füert. Zum Gebiet vo de Gmeind ghöred ua dia beide Insle Ufnau und Lützelau, wia au d Halbinsle Hurde uf em Seedamm. Nachbersgmeinde vo Freiebach sind Rappi-Jone, Wollerau, Feusisberg und Altedorf.
Vercheer [ändere]
Freiebach hät en Aaschluss a d Autobahn A3 (Züri-Chur) und liit a de Hauptstross Nr. 8 (Sangalle-Lurärn). Uf em Gmeindsgebiet sind sächs Bahnhöf. A de Zürcher S-Bahn sind d Stazione Bäch, Freiebach SBB und Pfäffike. Mit de Südostbahn werded d Bahnhöf Wollerau, Wiile, Freiebach SOB, Pfäffike und Hurde bedient. Dä Bahnhof Pfäffike liit a beidne Linie und vom Bahnhof Wollerau sind s Stazionsgebäude und di östlige Glaisaalage uf Freiebacher Bode.
Gschicht [ändere]
Erschtmaligi gschichtlichi Erwähnig: Insle Ufnau und Lützelau 741 inere Urkund vom Klosters Sangalle. D Dörfer Freiebach, Pfäffike und Bäch 965, bzw. 972 i de Schänkigsurkunde vo de Kaiser Otto I. und Otto II. as Kloster Einsiedeln.
Entwicklig i de letschte Johr [ändere]
Freiebach isch Ändi 20. Jaarhundert fescht gwachse. Gründ defür sind:
- d Hanglaag mit Sicht uf de oberi Zürisee und d Insle Ufnau und Lützelau, im Gränzgebiet vo de Kantön Schwyz, Züri und St. Galle, zmitzt in zahlryche Naherholigsgebiet,
- d Verchehrslaag, per Autobahn A3 knapp 20 Minute vom Zürcher Stadtzäntrum und 40 Minute vom Flughafe Züri-Chloten eweg; de Baanhof vo Pfäffike isch en wichtige Isebaanchnotepunkt, Schnällzugshalt und Umschtiigistation für Büs und Poschtauto,
- d Stüürpolitik mit psunders tüüfe Stüüre. Drum sind vil Chlii- und Mittelbetrieb (won Arbetsplätz gschaffe händ) und riich Lüüt det ane zoge,
- wils als Vercheerschnotepunkt z Usserschwyz guet gläge isch, sind d Bruefs- und Kantonsschuel für March und Hööf und sogar e Fernuniversität z Freiebach pout worde.
I der Iiwohnerentwicklig gseht mer guet, dass Freiebach emal as chliises Puuredorf gsii isch und nachdem i de 60er Jahre d'Autobahn A3 bout worde isch, dänn isches au mit der Iiwohnerzahl zügig obsi gange.
Iiwohnerentwicklig [ändere]
|
Statistik [ändere]
- Iiwohner per 30. Juni 2007: 15'149 Persone
- Ausländeranteil: 22,8 %
- Konfession
- römisch-katholisch: 55 %
- evangelisch-reformiert: 21 %
- anderi: 24 %
- Erwerbsarte
- Landwirtschaft: ca. 2 %
- Induschtrie und Gwerb: ca. 33 %
- Dienschtleischtigsektor: ca. 65 %
- Gsamtflechi: 20.,31 km²
- Kulturland: 35,9 %
- Wald: 13,7 %
- D Flechi vo de äinzelne Ortstäil:
- Höchschte Punkt: Schönbode 1'022 m ü.M.
- Tüfschte Punkt: Zürisee 406 m ü.M.
Schtüürpolitik [ändere]
De Kanton Schwyz und d Gmäind Freiebach im psundere sind bekannt defür, das si psunders wenig Stüüre iitriibe tüend. Drum züglet vill riich Lüüt det ane, wils eso vil Gäld chönd spare und trotzdem nöche vo de Stadt Züri sind won en grosses kulturells Aagebot und mäng Arbetsplätz häd. Das entspricht ere liberale Haltig; im Kanton Züri isch die Entwicklig aber mit Argusauge verfolgt worde. D Zürcher wärfed Freiebach vor, z schmarotze. Freiebach segi nume attraktiv, wil Züri e so nöch segi, wils aber ime andere Kanton liggi nöd über de Finanzuusgliich hälfi d Zäntrumslaschte mitzträäge.
Im Rahme vom baldige interkantonale Finanzuusgliich wird de Kanton Züri scho bald öppis vom Schtüürchueche us em Kanton Schwyz ab überchoo.
Will Freyebach so Schtüürgünschtig isch, sind vill Riichi det ane zoge, allne voraa de Martin Ebner mit siner BZ-Bank.
Exekutive [ändere]
Dr Gmeindrat behandlet di laufende Gschäft, underbreitet die Gschäft dr Gmeindsversammlig und füehrt d Beschlüss vo dr Gmeindsversammlig und vo de Urneentscheid uus. Dr Gmeindrat beschtaht us 9 Mitgliider. Jede Gmeindrat, jedi Gmeindrätin schtaht eim oder mehrere Verwaltungszwiig vor. S politische Amt füehred mit Uusnahm vom Gmeindspräsident sämtliche Ratsmitgliider im Nebeamt uus. Dr Gmeindspräsident isch sit em Urneentscheid vo 2004 im Halbamt aagschtellt.
| Funktion | Person | Schtellvertretig |
|---|---|---|
| Präsidium | Kurt Zurbuchen (SP) | Finanze |
| Liegeschafte / Sicherheit | Werner Herrmann (FDP) | Präsidium |
| Finanze | Marco G. Walser (FDP) | Liegeschafte / Sicherheit |
| Tüüfbau | Andreas Beglinger (Unabhängigi Wähler) | Umwelt / öffentliche Verchehr |
| Bildig | Paul Feusi (CVP) | Ruumplanig |
| Sozials / Gsundheit | Franz Merlé (SVP) | Vormundschaft |
| Ruumplanig | Werner Schnellmann (FDP) | Bildig |
| Vormundschaft | Maria Züger (CVP) | Sozials / Gsundheit |
| Umwelt / öffentliche Verchehr | Gabriela Fuchs-Birchmeier (CVP) | Tüüfbau |
Weblink [ändere]
Allmänd (Commons): Freiebach – Sammlig vo witere Multimediadateie
