Rapperswil-Jona

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Rapperswil-Jona
Wappe vo Rapperswil-Jona
Basisdate
Staat: Schwiiz
Kanton: St. Galle (SG)
Wahlkreis: Wahlchreis See-Gaschterw
BFS-Nr.: 3340i1Expression-Fähler: Nit erkannt Satzzeiche „�“f4
Poschtleitzahl: 8640 Rapperswil
8645 Jona
8646 Wagen
8715 Bollingen
8640 Kempraten
UN/LOCODE: CH ZJW (Rapperswil)
CH JON (Jona)
CH WAN (Wagen)
Koordinate: 705500 / 23180047.2286988.831764409Koordinate: 47° 13′ 43″ N, 8° 49′ 54″ O; CH1903: 705500 / 231800
Höchi: 409 m ü. M.
Flächi: 22.17 km²
Iiwohner: i26'354 (31. Dezämber 2012)[1]
Uusländeraateil: 18,6 % (31. Dezember 2009)[2]
Website: www.rapperswil-jona.ch
Karte
Pfäffikersee Zürichsee Entenseeli Aatalweier Sihlsee Wägitalersee Obersee (Glarus) Walensee Kanton Appenzell Ausserhoden Kanton Glarus Kanton Schwyz Kanton Zürich Sarganserland (Wahlkreis) Toggenburg (Wahlkreis) Amden Benken SG Ernetschwil Eschenbach SG Goldingen SG Gommiswald Kaltbrunn SG Rapperswil-Jona Rieden SG St. Gallenkappel Schänis Schmerikon Uznach WeesenKarte von Rapperswil-Jona
Iber des Bild
ww

Rapperschwil-Jona isch sit em 1. Januar 2007 e politischi Gmeind im Kanton Sanggalle wo dur e Fusion entstande isch. Rappi-Jona isch mit 26'354 Iwohner (31. Dezember 2012) die zweitgröscht Stadt im Kanton – noch de Stadt San-Galle. D Gmeind bestoht us de ehemalige Gmeinde Rapperschwil und Jona, mit de Ortschafte Rapperschwil, Jona, Kemprate, Waage und Bollinge.

Geografi[ändere | Quälltäxt bearbeite]

Rapperschwil-Jona isch di südweschtlichscht Gmeind im Kanton San-Galle und isch am rechte Züriseeufer gläge. Dank em Seeufer, de Altstadt und em Chinderzoo vom Zirkus Knii isch d Stadt en beliebte Usflugsort. Vo Rappi füehrt de Seedamm uf Pfäffike SZ wo de Zürisee in Obersee und de Hauptsee trennt. Nachberstädt sind Hombrächtike, Buebike, Rüti, Eschebach, Schmärke, und über em Zürisee Hurde (Gmeind Freiebach), Altedorf, Lache und Wange. Wie uf ere Halbinsle lit d Altstadt vo Rapperschwil mit em Schloss und de Chile. Nördlich devo, über de Bucht, isch Kemprate und de Lenggis. Öschtlich schlüsst sich Jona a und im Süde isch Busskirch, diräkt am Obersee. Im Oschte vo Jona isch s Erle-Quartier. Und no e chli witer im Oste a de Hauptstross Richtig Ricke isch Waage. A de Stross uf Schmärke lit Bollinge, es Dörfli am See.

Jona[ändere | Quälltäxt bearbeite]

Jona isch bis am 31. Dezember 2006 e Gmeind im Wahlkreis See-Gaster im Südwesten vom Kanton San-Galle mit öppe 17'700 Iwohner und dodemit die zweitgröscht Stadt vom Kanton gsi. S Dorf wird vom Fluss Jona durflosse wo im Stampf in Obersee flüsst. Im Nordoschte vom Gmeindsgebiet häts Wald. Am Obersee entlang isch de Strandwäg, wo vo Schmärke über Bollinge, Wurmsbach bis zum Seedamm z Rappi füert.

Fusion[ändere | Quälltäxt bearbeite]

Rapperschwil und Jona sind scho länger fast zämegwachse. Us de Luft isch d Gränze fascht unsichtbar gsi. Nach zwei erfolglose Abstimmige, hät d Bevölkerig im Johr 2003 annere Abschtimmig de Fusion vo Rapperschwiil (2001: 7'400 Iwohner; Ja-Ateil 82 %) und Jona (2001: 17'100 Iwohner; Ja-Ateil 52 %) zuegstimmt. De Fusionsvertrag isch im Früelig 2005 vo de Bevölkerig vo beide Gmeinde aagno worde. Rapperschwil und Jona händ am 1. Januar 2007 fusioniert und dozmol zämme über 24'000 Iwohner gha. Rapperschwil-Jona isch dodemit nach de Stadt San-Galle iwohnermässig di zweitgröscht Gmeind im Kanton worde.

Wappe[ändere | Quälltäxt bearbeite]

Uf em Wappe sind d Rapperschwiler Rose und de Fluss Jona abbildet. S neu Wappe isch a de Gmeindsversammlig am 1. Dezember 2005 aagno worde.

Induschtrii[ändere | Quälltäxt bearbeite]

International bekannti Unternähme wo de Sitz z Rapperschwil-Jona hend, sind d Geberit wo WCs und suschtigi sanitäri Alage macht und de Zementproduzent Holcim.

Medie[ändere | Quälltäxt bearbeite]

D Wuchezitig Obersee Nachrichte und d Zürisee-Zitig Obersee (het früener Linth-Zeitung gheisse), beidi z Rappi aasässig, prichted über die aktuelle Theme vo de Stadt und de Region. S Stadtmagazin wird jede Monät usegä.

Sit 1994 hät s Radio Zürisee sis Studio z Rappi, grad i de Nöchi vom Bahnhof.

Sport[ändere | Quälltäxt bearbeite]

Z Rappi-Jona häts vil Sportverein wo mer verschideni Sportarte cha lerne und trainiere.

Sportalage[ändere | Quälltäxt bearbeite]

D Stadt het vili Sportalage. Zum Bispil de Stampf, s Grüenfeld, e paar Badi und Schwimmbäder und Turnhalle.

S Grüenfeld[ändere | Quälltäxt bearbeite]

Im Grüenfeld häts es Tschutti-Stadion, e 400-Meter-Rundbahn zum renne, vili Tschutti-Plätz, e Volleyballalag und Fuuschtball- und Tennisfelder.

Stampf (Badi)[ändere | Quälltäxt bearbeite]

De Stampf isch 2008 vergrösseret worde und lit am Zürisee. Es hät en 5-Meter-Sprungturm, Volleyballfelder, e Wasserrutschi und es chlises Schwimmbecki für Baby. S het Lüt wo döt es Zelt hend wils au en Camping-Platz isch. Es het au es Restaurant döt. Badmeister überwached de Badebetriib.

Verastaltige[ändere | Quälltäxt bearbeite]

Ironman[ändere | Quälltäxt bearbeite]

De Ironman 70.3 Switzerland findet immer im Juni statt. Es isch en Triathlon mit 1,9 km schwimme, 90 km Velo fahre und 21,1 km laufe.

Schlosslauf[ändere | Quälltäxt bearbeite]

De Schlosslauf isch im Oktober i de Altstadt. Öppe 1000 Läufer i unterschidlichem Alter mached amel mit.

Regatta[ändere | Quälltäxt bearbeite]

Im Herbscht findet amel d „Obersee Regatta“ statt. D Ruederregatta mit enere Distanz vo 1000 Meter.

Verein[ändere | Quälltäxt bearbeite]

Rappi-Jona Lakers[ändere | Quälltäxt bearbeite]

Z Rappi sind d Lakers dihei. Si spiled i de Nationalliga A, sit em Ufstiig 1994 i de höchschte schwizer Hockeyliga.

FC Rappi-Jona[ändere | Quälltäxt bearbeite]

Di erscht Mannschaft vom FC Rapperswil-Jona, spilt i de dritte Gruppe vo de erschte Liga. Er isch 1928 gründet worde.

Schuele[ändere | Quälltäxt bearbeite]

Volksschuel[ändere | Quälltäxt bearbeite]

D Primarschuel (aktuell im 2012) isch i de Schuelhüser Hanfländer, Bollwiis, Schache, Herreberg, Wide, Lenggis und Dorf, d Oberstufe sit em August 2012 (d Sek und Real) i de Schuelhüser Bollwiis, Burgerau, Wide, Chrüzstross und Rai. Bis im Juli 2012 sind d Real und d Sek i trennte Gebäude gsi.

Fachhochschuel[ändere | Quälltäxt bearbeite]

Z Rappi isch s Tech, s Technikum Rapperschwil (HSR), mit de Schwerpünkt Technik/Informatik und Bau/Planig.

Bruefsschuel[ändere | Quälltäxt bearbeite]

Am Bruefs- und Witerbildigszentrum Rapperschwil (BWZ) chamer Grundusbildige und Witerbildige wie Sprachkürs mache.

Zirkus[ändere | Quälltäxt bearbeite]

De schwizer Nationalzirkus Knii het do sis Winterquartier und sin Sitz. Am Knii ghört au de bekannti Chinderzoo.

Kultur[ändere | Quälltäxt bearbeite]

Verastaltige[ändere | Quälltäxt bearbeite]

blues’n’jazz[ändere | Quälltäxt bearbeite]

Z Rapperschwil-Jona findet s blues’n’jazz-Fest statt (3 Täg). Pro Johr chömed 35'000 bis 40'000 Bsuecher und es isch eini vo de gröschte Kulturverastaltige vo de Obersee-Region. 1999 häts s erschte Mol stattgfunde.

Seenachtsfest[ändere | Quälltäxt bearbeite]

I de Altstadt und um de Hafe findet alli drü Johr s Seenachtsfest statt. 2009 sinds 80'000 Bsuecher gsi.

Christchindlimärt[ändere | Quälltäxt bearbeite]

Sit 2002 findet jewils Mitti Dezember i de Altstadt vo Rappi en Wienachtsmärt statt, de sogenannt Christkindlimärt. Mit über 20'000 Besuchern eine vo de gröschte schwizer Wienachtsmärt.[3]

Fasnacht und Eis-zwei-Geissebei[ändere | Quälltäxt bearbeite]

S Eis-zwei-Geissebei am Fasnachtszischtig z Rapperschwil bim Rathus isch eine vo de ältischte Brüch z Rapperschwil.[4]

Früeligsfescht[ändere | Quälltäxt bearbeite]

S Früeligsfescht z Jona isch für d Stadt Rapperschwil-Jona en wichtige Ahlass und wird sit 30 Johr im April duregfüehrt; s isch s gröscht Fescht i de Region. Im Johr 2011 wär fascht s Endi vom Früeligsfescht gsi, wenn s ke neus Organisationskomitee bildet het. S Komitee bestoht us je eim Vertreter vo de mitmachende Verein: Feldmusig, Mannechor, Skiclub, Jona-Uznach Flames, CVP und 91er Mens Club Rapperswil-Jona. De Alass isch vom Fritig bis Suntig.[5]

Kulturhüser[ändere | Quälltäxt bearbeite]

Kunschtzüghus[ändere | Quälltäxt bearbeite]

S Kunstzüghus het 2008 eröffnet und isch imene ehemalige Züghus. Es sind öppe 5000 Kunstwerk vo schwizer Gegewartskunst usgstellt.

Villa Grüenfels[ändere | Quälltäxt bearbeite]

I de Villa Grüenfels sind d Jugendmusigschuel und d Chällerbühni Grüenfels.[6]

 Chällerbühni Grüenfels[ändere | Quälltäxt bearbeite]

I de Chällerbühni vo de Villa Grüenfels werded Musig, Kabarett und Theater us de Chlikunst-Szene zeigt. D Villa isch grad nebedem Bahnhof Jona (S5/S15).

ZAK[ändere | Quälltäxt bearbeite]

S Zentrum für aktuelli Kultur (ZAK) isch es Kulturlokal für junge Persone. Im ZAK werded verschideni kulturelli Verastaltige duregfüert. S chan au gmietet werde.

Bilder[ändere | Quälltäxt bearbeite]

Persönlichkeite[ändere | Quälltäxt bearbeite]

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)
  2. Rapperswil-Jona in Zahlen, Stadt Rapperswil-Jona, abgerufen am 12. April 2011
  3. Christchindlimarkt
  4. Website Rappi-Jona, Gschicht
  5. http://www.bote.ch/vermischtes/das-joner-fruehlingsfest-findet-statt
  6. [1]

Weblink[ändere | Quälltäxt bearbeite]

 Allmänd (Commons): Rapperschwil-Jona – Sammlig vo witere Multimediadateie













Dä Artikel basiert uff ere fräie Übersetzig vum Artikel „Rapperswil-Jona“ vu de dütsche Wikipedia.

E Liste vu de Autore un Versione isch do z finde.