Blasmusik

Jugedblosmusikkapelle Musizwerge, Ostermiething

Blosmusik isch ä Oberbegriff für Musik, wo nur oder gröschdedeils Blosinstrument iigsetzt werde.

Gschicht

D Vorläufer vo dr Blosmusik, wie si sitt em 19. Johrhundert entstande sin, sin Bläsergruppe wie Harmonimusike am Änd vom 18. Johrhundert. Hiwiis doh druff hätt mr zum Bischpil z Waldshuet um 1753 odder z Schtüehlinge 1785 gfunde. In dr gliche Zit gli hänn sich au d Inschtrument vu de "Türkischi Musik" duregsetzt, sell sinn vu allem d Großi Trummle, d Becke un de Schellebaum gsi, wo dört dezue cho sin. Die Janitscharemusik het sich no dr Türkechrieg vor allem z Öschtrich un z Südditschland uusebildet, zerscht in dr Militärmusik, speter deno au im zivile Berich.

D Musike früener sinn vill chliner gsi, wie s hütt üblich isch. Uff aalte Bilder cha mr mengmol nu zeh odder zwölf Musiker zelle.