Badische Staatsbrauerei
Us der alemannische Wikipedia, der freie Dialäkt-Enzyklopedy
| Badische Staatsbrauerei Rothaus AG | |
|---|---|
| Unternähmensform | Aktiegsellschaft |
| Gründig | 1791 |
| Sitz | Grafehuuse, Bade-Württemberg |
| Leitig | |
| Mitarbeiter | 220 |
| Umsatz | 88,2 Mio. Euro (2006)[1] |
| Branche | Brauerei |
| Produkt | |
| Website | www.rothaus.de |
Die badisch Staatsbrauerei isch anne 1791 vom Fürstabt vo St. Blasie als Massnahm zu dä Förderung vo de schwarzwälder Wirtschaft gründet worre. Sie liegt im gliichnamige Ort Rothuus (ä Ortsteil vo Grafehuuse) und ghört zur Zitt im Land Bade-Württemberg als Rechtsnoochfolger vom Land Bade. Dem si Vorgänger, s'Grossherzogtum Bade , hät d'Brauerei bi de Säkularisation anne 1803 übernoh. Hüt isch die Brauerei eine vo de erfolgriichschte und profitabelschte in de ganze Regio und mo kennts au usserhalb vom Ländli. S erfolgriichschte Produkt isch s Tannezäpfle, kurz Zäpfle, wo in ganz Dütschland als Kultbier in Clubs und Discotheke usgschenkt würd. Ufm Etikett vom Zäpfle isch ä blonds, jungs Maidli abglichtet. Sell heißt Birgit Kraft und Ihr Name hät si vonere alte badische Wiisheit, wo bsait, dass Bier Kraft git.
Sit em erschte Oktober 2004 isch de Schäuble Thomas de Chef.
