Bier

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Altbier

Bier isch a alkohol- und kohlesäurehaltigs Getränk, wo durch Gärig us de Zuetate Wasser, Malz und Hopfe gwonne wird. Für s kontrollierte Uslöse vum Gärvorgang wird Hefe zuegsetzt.

Gschicht[ändere | Quälltäxt bearbeite]

D`Gschicht vom Biär gaht zrugg, tüüf i d'Jahrtuusig ine. Äs mues wohl so aagfange ha, dass irgänd än ufmerksame Geischt bim bache vomene Brot, s'gääre vom Chorn entdeckt hät. Schrifttaflene us Mesopotamie vom 3. Jahrtuusig v.Chr. wiised uf de Werdegang hi und lifered de Bewiis für d'Exischtänz vom Bier scho zu dere Ziit. In Ägypte, ums Jahr 2000 v.Chr. ume, isch s'Bier ires Nationalgetränk gsi. Äs isch de Sunnegöttin Osiris zuegschribe worde. D'Brouereie händ sich natürlich im Bsitz vom Pharao befunde, er hät au für d'Zueteilig glueget und zwiifellos au Stüre defür ihzoge.

Dazumals sind d'Bier no süesslich gsi. D'Würkig vom Hopfe isch erscht tuusigi vo Jahr spöter entdeckt worde, so dass s'damalige Bier mit Myrte, Safran und Anis gwürzt worde isch. Bier hät zu de verderbliche Wahr ghört, deshalb isch au s'Problem mit z.B. Ochsegalle oder Bilsächrut bekämpft worde.

Natürlich händ au d'Chinese äs bierähnlichs Getränk erfunde, dadefür händ si allerdings Riischörner verwändet.

800 n.Chr. hät de Karl de Grossi, wonner vom Papst in Rom krönt worde isch, de kaufmännisch Nutze im Bier gseh. Deshalb hät er denn au rächt rasch, d'Rächt zum Bier braue a sich grisse. I dere Ziit sind au d'Aafäng vo de handwerkchliche Braukunscht gsi, bis aahin sind eigäntlich nur d'Fraue für Bache und Broue zueschtändig gsi.

D'Induschtrielisierig im letschte Jahrhundert hät de Bierbranche en massive Strukturwandel bracht. Äs händ sich villi Bierbrouereie zämegschlosse und händ unter anderem au Kartell bildet.