Zollhuus

47.83658.5562

Zollhuus Stadt Blummbärg
Postleitzahl:	78176
Vorwahl:	07702
Zollhuus (Baden-Württemberg) Zollhuus Lage von Zollhuus in Baden-Württemberg

Zollhuus isch èn Ortsdeil vo dè Stadt Blummbärg im Schwarzwald-Baar-Chrais z Baddè-Württèbärg. Dè Ort hèt sin Nammè von èrè Zollschtation, wo bis is 20. Johrhundert in Bedryb gsi isch. D Zollschtation isch uff dè dütschè Sitè vo dè Dütsch-Schwyzer Gränz glègè.

Laag

Zollhuus lyt öppè 500 m öschtlich vo dè Blummbärger Stadtgränz. Nordöschtlich vom Zollhuus un zmitts im Obbèrè Aitrachdal lyt s 76,4 ha große Nadurschutzgebièt (NSG) Zollhuusrièd, wo vom Brünnele Greutgrabbè unterdeilt wörd. Am nördlichè un linkè Rand vum Aitrachdal lyt dè Sportflughaffè Blummbärg, am nordöschtlichè un öschtlichè Rand vo Zollhuus flièßt d Aitrach zwüschè Greutgrabbè un Flughaffè. Diè linki Haaldè vum Aitrachdal ghört zum Stobärg, wo im südweschtliche Ändpungt vom Höchèruggè Längi vorglagerèt isch. Nordweschtlich vu Zollhuus un nördlich vo Blummbärg lyt dè Aichbärg, wo mit 913 m NHN s Blummbärger bzw. Zollhuuser Rièd übberragè duèt. Zwüschèm Aichbärg un Stobärg lyt d Blummbärger Bleichi, wo d Bachgabelung vo dè Aitrach un èm Schleifèbächle lyt. Zuè sèllèrè Gabelung chunnt s widderum, well diè Europäischi Hauptwasserscheidè vom rhenanisch-danubischè Sischteem vo Zollhuus quer durch s Zollhuusrièd bis zuè dè Blummbärger Bleichi volaufè duèt. Zollhuus lyt am Nordfuèß vum Hochè Randè un öschtlich vum Büèchel. Dè Büèchel isch èn öppè 741 m NHN hochè Höger, wo widderum zwüschèm Buèchbärg un èm Großè Randè lyt. Dè Ortsrand vo Zollhuus lyt dirèkt am nordöschtlichè Fuèß (Stand: 2021) vum Büèchel. Hinter m Büèchel lyt d Sänki mit èm Nammè Wannè, wo Blummbärg un Zollhuus hinnè ummè mitnand vobindèt.

Hischtörle

Dè Ortsnammè leitet sich sèlbstvoständlich von èm Zollhuus ab, wo ab Mitti vum 18. Johrhundert vo Hondingè an Nordfuèß vum Großè Randè volait worrè isch. Zuè sèllèrè hèn d Fürschtèbärger nò dè Zoll erhobbè, spôter sich sèll Rächt uff s Großherzogdum Baddè, s Land Baddè un schlièßlich bis hüt uff d BRD übbergangè. Öppè i dè Mitti vum 20. Johrhundert hèt mò diè dütschi Zollschtation dirèkt a dè Gränzübbergang Neuhuus (D)-Bargè (CH) im Volauf vo dè B 27, also öppè 3,3 km südöschtlich vo Zollhuus, volait. Einzigi regionali Vokeersaabindung hèt Zollhuus früèner wèg èm Boschtkurs Schaffusè-Eschingè ghaa, wo übber Zollhuus un dè Große Randè gfüürt worrè isch. D Boschtstation z Zollhuus isch i dè Dorfmitti bim Gaschthuus Adler Post gsi, wo nit nu d Rösser vo dè Boschtkutschè, sondern au d Boschtsendigè uusduuscht worrè sin. Anno 1890 isch s abglegène Zollhuus mitsamt èm dõmòligè Dorf Blummbärg a s übberregionale Vokeersnetz mit dè Sauschwänzlebaan aabundè worrè. Zollhuus sèlber hèt dört dèvu brofityrt, dass mò d Baanschtrèggi nit wiè urschprünglich blaant übber s Achdorfer Wuètèknǜè, sondern übber dè Boortrauf bzw. d Wannè uèzogè hèt.

Vokeersaabindig

Baanhof un Museum am Nordrand vo Zollhuus

Kirchè Mariä Heimsuchung mit èm Blitzer a dè Wannèschtròß

Durch d Ortschaft volauft d B 27, wo Schaffuusè mit Eschingè via Zollhuus vobindè duèt. Am nördlichè Rand vo Zollhuus mündet d Landesschtròß 214 i d B 27. D L 214 vobindèt d Dörfer Fiètzè un Epfèhoffè mit Zollhuus un Blummbärg. Well d L 214 dōdeby en passant vo dè Wannè gòt, wörd sy i dè Region nu d Wannèschtrōß dauft. D Wannèschtrõß vobindèt abber au d Boor mit èm Hochrhy un wörd sèllèwäg gärn als Autobaanzuèbringer vom Hochrhy uff d A 81 bruucht. D Strõßè B 27 un L 214 sorgèt für èn zitèwys üßerscht läbhaftè Vokeer z Zollhuus inklusyv Staus uff dè L 214. Nördlich vum Ort uff dè andèrè Sitè vum Aitrachdal volauft d L 185, wo durchs Aitrachdal am Südfuèß vo dè Längi bis zum Gisinger Ortsdeil Huusè gòt. Dè L 185 wörd regional wiè im Aitrachdal sèlber au nu d Längi gsait. Dè Baanhof Blummbärg-Zollhuus lyt am Scheitelpungt (702 m NHN) vo dè Sauschwänzlebaan un isch dè zentrale Baanhof un ein vo dè Ändpungt vo dè Museumsbaan Sauschwänzlebahn. Dè Baanhof isch 1890 in Bedryb gangè un hèt langi Zyt Baanhof Zollhuus-Blummbärg gheißè, well d Station öppè 1 km vu Blummbärg èwäg lyt un dõdemit zuè Zollhuus ghört. A dè Weschtyfaart vum Zollhuser Baanhof chrützt d B 27 d Baanhofsgleis mit ènèm Baanübbergang (BÜ). Öppè 110 m südlich vom BÜ lyt d Mündung vo dè L 214, öppè 90 m nördlich vum BÜ mündet d Ortsvobindungsschtrõß vo Blummbärg i d B 27. Wenn èn Zug dè BÜ passyrè duèt, chunnt s sèllèwäg öfters zuè nèm Rüggschtau vum Vokeer bis nòch Zollhuus iè.

Persönlichkeitè

Sophie Scholl (1921–1943), Widerschtandskämpferin gègè d NS-Hèrrschaft, hèt im Oktobèr 1941 bis April 1942 im Zollhuuser Kindergartè als Kindergärtnerin irèn – unfreiwilligè – Kriègshilfsdiènscht abgleischtet. I sèllèrè Zit hèt sy öfter d Kirchè Mariä Heimsuchung bsuècht un dört au uf èm Harmonium gschpillt. Wôrschinlich hèt dè NS-Bürgermeischter vo Blummbärg irè bolitischi Yschtellig mitbrägt, denn isch als Hundertbrozèntigè Nazi i dè Region voschriè gsi.

Luèg au

• Sauschwänzlebaan

Weblinggs

 Commons: Zollhaus (Blumberg) – Sammlig vo Multimediadateie

• Die Geschichte von Zollhaus uff dè Websitè vo dè Stadt Blummbärg
• Eisenbahnmuseum uff sauschwaenzlebahn.de

Dä Artikel basiert uff ere fräie Übersetzig vum Artikel „Zollhaus_(Blumberg)“ vu de dütsche Wikipedia. E Liste vu de Autore un Versione isch do z finde.