Walter Thurnherr

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
de Walter Thurnherr uf em offizielle Bundesrotsfoti 2017

Dr Walter Thurnherr (* 11. Juli 1963 z Muri, Kanton Aargau; haimetbrächtigt z Tippilzou) isch e Schwyzer Diplomat un Bolitiker (CVP). Syt em 1. Jänner 2016 isch er Bundeskanzler vu dr Schwyzerische Aidgnosseschaft.

Lääbe[ändere | Quälltäxt bearbeite]

Dr Thurnherr isch z Wohlen im Kanton Aargau ufgwachse. Anne 1982 het er an dr Kantonsschuel z Aarau d Matura gmacht un derno vu 1983 bis 1987 Theoretischi Physik an dr ETH Züri studiert. Vu 1987 bis 1989 het er am Mathematische Seminar un am Physiologischen Inschtitut vu dr Universitet Bärn gschafft.[1]

Noch em Studienabschluss isch er in dr diplomatisch Dienscht yydrätte, zerscht as Attaché vu dr schwyzerische Botschaft z Moskau. Vu 1991 bis 1995 het er im Bolitische Sekretariat vum Aidgnessische Departement fir uuswärtigi Aaglägehaite (EDA) gschafft, vu 1995 bis 1997 isch er Gsandte vu dr Botschaft z Moskau gsii. Parallel doderzue isch er vu 1995 bis 1997 Verdrätter vu dr Schwyz in dr Minsk-Gruppe un vu 1993 bis 1997 Assischtänt vum Abgsandte vum UN-Generalsekretär fir Georgie gsii.[1][2]

Dr Thurnherr isch vu 1997 bis 1999 persenlige Mitarbaiter vum Bundesrot Flavio Cotti gsii. Anne 2000 isch er zum Schef vu dr domolige Bolitischen Abdailig VI vum EDA ufgstige, wu fir alli Krisen un Konsularschutzfäll im Uusland zueständig gsii isch. Ab 2002 isch er ai Johr lang Generalsekretär vum EDA gsii, voreb er 2003 ins Aidgnessisch Volkswirtschaftsdepartement (EVD) gwächslet isch un dert di nämlig Funktion ghaa het. Derno isch er ab 2011 Generalsektretär im Aidgnessische Departement fir Umwält, Verchehr, Energy un Kommunikation (UVEK) gsii.[1] Am 9. Dezämber 2015 isch er vu dr Bundesversammlig mit 230 Stimme zum Bundeschanzler gwehlt wore.[2] Am 1. Jänner 2016 het er d Noofolg vu dr Corina Casanova aadrätte.

Dr Thurnherr isch ghyrote un het zwai Chinder.[1]

Weblink[ändere | Quälltäxt bearbeite]

 Commons: Walter Thurnherr – Sammlig vo Multimediadateie

Fueßnote[ändere | Quälltäxt bearbeite]

  1. 1,0 1,1 1,2 1,3 CV vum Walter Thurnherr (Memento vom 21. Dezämber 2015 im Internet Archive) uf dr Websyte vu dr CVP, abgruefen am 9. Dezämber 2015
  2. 2,0 2,1 Marcel Amrein: Der logische Kanzler. In: NZZ. 14. Dezember 2015, abgerufen am 14. Dezember 2015.


Information icon.svg Dä Artikel basiert uff ere fräie Übersetzig vu dere Version vum Artikel „Walter_Thunherr“ vu de dütsche Wikipedia.

E Liste vu de Autore un Versione isch do z finde.