Viktor Rossi
.jpg)
Dr Viktor Rossi (* 31. Oktoober 1968 z Bärn; haimetberäächtigt au deert) isch e Schwyzer laitende Bundesaagstellte. S Mitgliid vu dr Grienliberaale Bartei het am 1. Mai 2019 s Amt vum Viizechanzler vu dr Schwyzerische Aidgnosseschaft aadrätte. Am 13. Dezämber 2023 isch er zum Bundeschanzler gweelt woore.
Lääbe
[ändere | Quälltäxt bearbeite]Em Rossi syni Eltere sin in dr 1950er-Joor as Saisonnier in d Schwyz chuu.[1] Är isch z Bärn uf Primaar- un d Sekundaarschuel gange, het vu 1984 bis 1987 Choch gleert un isch druf bis 1990 uf s Wirtschaftsgimnasium an dr Privaatschuel Humboldtianum z Bärn gange. No dr Matura (Typus E) het er an dr Uniwertsiteet Bärn Wiirtschaft studiert un anne 1996 mit em Diploom as Leerer fir Wiirtschaft un Räächt (mag. rer. pol.) abgschlosse. 2015 het er no ne Diploma of Advanced Studies in Law vu dr Uniwersiteet Bärn gmacht.
Noch em Stuudium het er zeerscht an dr Chaufmännische Beruefsfachschuel Biel (speeter Bildung Formation Biel Bienne BFB) as Handelsleerer unterriichtet, voreb er ab 1999 as Diräkter d Beruefsfachschuel glaitet het. Paralleel derzue isch er vu 2004 bis 2009 Viizebresidänt vu dr Chaufmännische Räkterkumferänz vum Kanton Bärn (KRKB) gsii un ab 2009 het er s Bresidium ibernuu.[2]
Dr Rossi isch im Oktoober 2010 in d Bundeschanzlei yydrätte un het d Säkzioon Gschäftsverwaltig un Logischtik glaitet. Ab 2015 isch er Beufdraite vum Bundeschanzler Walter Thurnherr as Ufdraaggeeber vum IKT-Schlisselbrojäkt GENOVA gsii.[3]
Im Dezämber 2018 het dr Bundesroot dr Viktor Rossi zum Viizechanzler vu dr Schwyzerische Aidgnosseschaft gweelt. Am 1. Mai 2019 het dr Rossi s Amt aadrätte un het syterhäär dr Beraich Bundesroot vu dr Bundeschanzlei glaitet. Am 30. Oktober 2023 hän en di Grienliberaale fir s Amt vum Bundeschanzler nominiert.[4]
Am 13. Dezämber 2023 isch er zum neie Bundeschanzler ab 2024 as Noofolger vum Walter Thurnherr gweelt woore, im zweete Waalgang het er 135 Stimme vu dr Bundesversammlig iiberchuu. Är isch dr eerscht Doppelbuurger (Schwyz/Italie) in däm Amt un derzue au s eerscht Mitgliid vu dr Grienliberaale Bartei.
Dr Viktor Rossi isch meesproochig: Näbe syne Muetersprooche Schwyzerdytsch, Dytsch un Iteliäänisch schwätzt er Franzeesisch un Änglisch.[5] Är isch ghyroote un het zwoo grooßi Deechtere.[6]
Weblink
[ändere | Quälltäxt bearbeite]
Commons: Viktor Rossi – Sammlig vo MultimediadateieFueßnote
[ändere | Quälltäxt bearbeite]- ↑ Bilanz nach 100 Tagen im Amt - Bundeskanzler Rossi: «Wir haben von der Corona-Krise gelernt». In: srf.ch. 18. April 2024, abgruefen am 18. April 2024.
- ↑ Viktor Rossi verlässt die BFB. In: Bielertagblatt.ch. Archiviert vom Original; abgruefen am 10. April 2020.
- ↑ Vizekanzler Viktor Rossi. (Nicht mehr online verfügbar.) In: Bundeskanzlei BK. Ehemals im Original; abgruefen am 10. April 2020. (Site cha nüme abgrüeft wärde; Suche im Webarchiv)
- ↑ Fabian Schäfer, David Biner: Die Grünliberalen lancieren das Rennen um das Kanzleramt: Viktor Rossi will Bundeskanzler werden. In: Neue Zürcher Zeitung. 30. Oktober 2023, abgruefen am 30. Oktober 2023.
- ↑ Vize wird zum Kanzler – Der neue Bundeskanzler, seine Aufgaben und seine Macht. In: SRF. 13. Dezember 2023, abgruefen am 1. Januar 2024.
- ↑ Vizekanzler Viktor Rossi. (Nicht mehr online verfügbar.) In: Bundeskanzlei BK. Ehemals im Original; abgruefen am 10. April 2020. (Site cha nüme abgrüeft wärde; Suche im Webarchiv)
|
Dä Artikel basiert uff ere fräie Übersetzig vu dere Version vum Artikel „Viktor_Rossi“ vu de dütsche Wikipedia. E Liste vu de Autore un Versione isch do z finde. |