Vorlage:AdW/27
Sindelfingen|Sendlfenga
Sendlfenga (altschwäbisch Sendlfeng, dt. Sindelfingen) isch a Schdadd en dor Midde vom Bundesland Bada-Wirttabärg, ogfär 15 km sidweschdlich vo Stuegert. Sendlfenaga isch d´graeschd Schdadd vom Landgraes Beblenga. Zsẽma mid dor sidlicha Nåchborschdadd Beblenga bilded-s a Middelzentrum fir d´ Gmaendena dromrom.
Seid-m 1. Februar 1962 isch Sendlfenga Graosa Graesschdadd.
Sendlfenga leid ausorhalb vom Nordoschdrand vom Obera Gae, am Fuas vom Glemswald zwischa dor Schwippe, dui må em Schdaddgebid ãfangd, ond-m Sommerhofabach. Dor haechsde Punkt leid uff 532, dor diafschde ufff 409 m i. NN. S´ Schdaddgebid sälber gåd vo 425 bis 460 m i. NN. Zom Nordschwarzwald brauchd-s a halba, zor Schwäbischa Alb a gnabba Schdond.
Emm-a normala Jår geid-s ogfär 735 mm Räaga. Där Wärd leid em middlora Driddl vo de ibliche deitsche Mässwärd. Am droggnedschda isch dor Januar, am maeschda Räaga geid-s em Juni.